Qazaqstan halqy Assambleiasynyń XXIX sessiiasynda QR Tuńǵysh Prezidenti Nursultan Nazarbaev qazaq tilin meńgerýge talpynǵan adamdardyń umtylysyn yntalandyrý kerektigin aitty, dep habarlaidy "Ult aqparat".
Memlekettik tildiń biriktirýshi róline toqtalǵan Elbasy, «búginde qazaq etnosynyń úlesi 70 paiyzdan asady. Bul protsess - barsha álemdegi tabiǵi qubylys. Sondyqtan qazaq tilin túsinip, meńgerýge degen talpynysty qoldap, barsha jerde yntalandyrýymyz kerek», - dedi.
Osy oraida N. Nazarbaev Qazaqstan halqy Assambleiasy bul baǵytta eleýli ról atqaryp kele jatqanyn atap ótti. QHA jumysy aiasynda ózge ult ókilderi qazaq tilin jaqsy meńgerip aldy.
«Bul baǵyttaǵy talpynysty baiqap otyrmyz. Qanshama jastar Assambleia atynan ómirge joldama aldy. Assambleia ainalasyndaǵy jumys barysynda memlekettik tildi meńgerýge múmkindik jasaldy. Qazirgi kezde bul adamdar jaýapty qyzmetterde júr, birneshe tilde emin-erkin sóilei alady. Olardyń áleýmettik jelilerdegi paraqshalaryna kirip, qazaqtardyń osy jigitterdi qalai jan-tánimen jaqsy kóretinin kóresiz», - dedi Elbasy.
