Memleket basshysy Qazaqstannyń halyq jazýshysy, memlekettik syilyqtyń laýreaty Ábdijámil Nurpeiisovti qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Kezdesýde Nursultan Nazarbaev pen Ábdijámil Nurpeiisov mádeniet salasynyń qazirgi jaǵdaiy jóninde pikir almasyp, otandyq ádebietti odan ári damytýdyń perspektivalaryn talqylady.
Aita ketsek, Ábdijámil Nurpeiisov ótken aida 94 jasqa tolǵan bolatyn. Ol 1924 jyldyń 22 qazanynda Qyzylorda oblysynyń, Aral aýdanynyń, Qulandy poselkesiniń Úshkóń aýylynda dúniege kelgen.
Ábdijámil Kárimuly Nurpeiisov - Qazaqstannyń halyq jazýshysy, KSRO Memlekettik syilyǵynyń laýreaty. "Qan men ter", "Sońǵy paryz" sekildi birqatar týyndylardyń avtory.
