«7-20-25» baǵdarlamasynyń júzege asyrylýyn úkimettik emes uiymdar baqylaýǵa alýy tiis. Bul týraly búgin elordadaǵy Táýelsizdik saraiynda ótip jatqan VIII Azamattyq forýmda Elbasy Nursultan Nazarbaev aitty, dep habarlaidy QazAqparat tilshisi.
«Turǵyn úi qurylysy boiynsha baǵdarlama bar. Ne isteý kerek? Alatyn páterdiń jalpy qunynyń 50, 70 paiyzyn emes, nebári 20 paiyz qunyn jinaýyńyz qajet. 25 jylǵa 7 paiyzben nesie alasyz. Men eseptep shyqtym. Eger otbasyda 2 adam jumys isteitin bolsa, tabystarynyń 20-30 paiyzyn tólep tura alady. Tólep bitkennen keiin páter seniki bolady», - dedi Elbasy.
QR Prezidentiniń paiymynsha, álemniń esh jerinde mundai baǵdarlama joq.
«Biz muny jasadyq, ony jumys istep, paidalaný qajet. Niet tanytýshylar az deidi. Biz barlyǵyn itermeleimiz. Qalaǵandary alsyn. Memleket munan artyq jeńildik bere almaidy», - dedi Nursultan Nazarbaev.
Osy rette Memleket basshysy «7-20-25» baǵdarlamasynyń júzege asyrylýyn úkimettik emes uiymdar baqylaýǵa alýy tiistigin atap ótti.
