Nursultan Nazarbaev Qazaqstannyń bul daǵdarystan 2017 jyly shyǵa bastaitynyn aitty, - dep habarlaidy kaz.tengrinews.kz tilshisi.
"Biz qazir daǵdarys kezinde ómir súrip jatyrmyz. Men kelesi jyldan bastap osy jaǵdaidan shyǵamyz dep senemin. 2017, 18, 19 jyldar... 2020 jyldan bastap barlyǵy jaqsy bolady. Biz indýstriialandyrý boiynsha jańa nysandardy salyp jatyrmyz. Agrarlyq keshenderdiń máselesi de kóterilip jatyr, barlyǵy jaqsy bolady. Sondyqtan osy bastamamen úkimettiń qurylymyn qaita qurdyq, jańa tájiribeli adamdardy taǵaiyndadyq", - dedi Prezident.
Osyǵan deiin Memleket basshysy basqarýshylardyń jańa býynynyń ýaqyty kelgenin aitqan edi. "Jaqynda oblystardyń, Astana men Almaty qalalary ákimderiniń qatysýymen ótken Úkimettiń keńeitilgen otyrysynda daǵdaryspen kúres jumysynan ekonomikanyń ósimin yntalandyrý baǵdarlamasyna kóshý jónindegi sharalar talqylandy. Bul qosymsha jumys oryndaryn ashýdy, atap aitqanda, aýyl sharýashylyǵynda, turǵyn-úi qurylysynda jáne basqa da salalarda halyqtyń tabysyn arttyrýdy kózdeidi. Osyǵan bailanysty jańa ministrler kabineti aldyna naqty mindetter qoiyldy. Úkimet quramynda jasalǵan ózgerister basqarýshylardyń jańa býynynyń, sonyń qatarynda "Bolashaq" baǵdarlamasy túlekteriniń de ýaqyty kelgenin kórsetedi", - dedi Memleket basshysy.
.jpeg)