Qazaqstan prezidenti Nursultan Nazarbaev 17 jyl buryn ózi tusaýyn kesken stýdentpen kezdesti, dep habarlaidy Sputnik Qazaqstan tilshisi.
Astanada Nazarbaev ziiatkerlik mektepteriniń on jyldyǵyna orai ótken forýmda Qazaqstan prezidenti 17 jyl buryn tusaýyn kesken stýdent Abylai Satylhanmen kezdesti.
Abylai Almaty qalasynyń himiia-biologiia baǵytyndaǵy Nazarbaev ziiatkerlik mektebin támamdaǵan. Qazir Nazarbaev ýniversitetinde birinshi kýrsta oqidy. Úsh tildi jetik meńgergen, akademiialyq bilimmen birge jasandy intellekt, baǵdarlamalaý, robototehnika, nano jáne biotehnologiia, biznes júrgizý siiaqty san túrli salada bilimin shyńdaǵan jas.
"Osydan on jeti jyl buryn Astanada siz meniń tusaýymdy kesken edińiz. Men búgin bizdiń áýlettiń tumary sekildi árdaiym tórde ilinip turatyn myna sýretti ózińizge ala keldim. Siz maǵan "azamat bol" dep bata beripsiz. Men osy motivatsiiamen ómir súrip, ózińiz aitqandai myqty azamat bolýǵa, elim úshin qyzmet etýge ýáde beremin", — dedi Abylai prezidentke syilyǵyn tabystai otyryp.
Memleket basshysy oqýshynyń syilyǵyn qýana-qýana qabyl aldy.
