Qazaqstannyń Tuńǵysh Prezidenti Nursultan Nazarbaevtyń tóraǵalyǵymen Úkimettiń, «Nur Otan» partiiasy men onyń Parlament Májilisindegi fraktsiiasynyń músheleri qatysqan keńes ótti, dep habarlaidy "Ult aqparat" elbasy.kz saityna silteme jasap.
Keńeste «Qazaqstan – 2021: Birlik. Turaqtylyq. Jasampazdyq» sailaýaldy baǵdarlamasynyń oryndalý barysy men «100 naqty qadam» ult jospary» baǵdarlamasy qaraldy.
Otyrys barysynda Premer-ministr A.Maminniń, Parlament Májilisiniń tóraǵasy N.Nyǵmatýlinniń, Premer-ministrdiń birinshi orynbasary jáne Qarjy ministri A.Smaiylovtyń, Premer-ministrdiń orynbasarlary B.Saparbaevtyń jáne R.Skliardyń baiandamalary tyńdaldy.
Usynylǵan aqparatty tyńdaǵan Nursultan Nazarbaev eldiń damýy men halyqtyń ál-aýqatyn arttyrýdaǵy partiianyń airyqsha ról atqaratynyn atap ótti.
– Búgingi tańda partiiamyzdyń aldynda qoǵamdy jumyldyrý, partiia atynan sailanǵan Prezident Qasym-Jomart Kemeluly Toqaevtyń mańaiyna elitany toptastyrý mindeti tur. Partiia eldiń jetekshi saiasi kúshi retinde memleketimizdiń damýynyń strategiialyq baǵytynyń sabaqtastyǵyn qamtamasyz etýge tiis. Sondyqtan Úkimet pen Fraktsiia júieli jumys júrgizip, el-júrttyń naqty máselelerin birlese sheshýi kerek, – dedi partiia tóraǵasy.
Elbasy sailaýaldy baǵdarlamanyń jáne Ult josparynyń oryndalý nátijelerine toqtala kele, partiianyń qalǵan mindettemelerin oryndaýǵa qatysty yqtimal qaterlerdi atap kórsetti.
– Biz jaqsy nátijelerge qol jetkizdik. Úsh jarym jyldyń ishinde 430 myńnan astam jumys orny paida bolyp, 2,7 myń shaqyrym jol salyndy. Eýraziia qurlyqaralyq dálizi iske qosyldy. Eldiń ishki jalpy ónimindegi shaǵyn jáne orta biznestiń úlesi 28 paiyzǵa jetti. Bir jyl ishinde biz «Doing Business» reitingisinde 8 pozitsiiaǵa ilgerilep, 28-shi orynǵa kóterildik, – dedi Qazaqstannyń Tuńǵysh Prezidenti.
Nursultan Nazarbaev jeńiske jetken partiianyń sailaýaldy baǵdarlamasy Úkimettiń bes jyldyq qyzmetiniń negizin quraýy kerek ekenin atap ótti. Al partiianyń Májilistegi fraktsiiasynyń músheleri yqtimal qaterlerdiń der kezinde aldyn alyp, baǵdarlamanyń oryndalýyn únemi qadaǵalap otyrýy qajet.
– Bizdiń mindetimiz – uzaq merzimdi kóshbasshylyqty saqtaý. Májilis sailaýyna partiianyń jańa sailaýaldy baǵdarlamasyn daiyndaý jumystaryn búginnen bastaý kerek. Strategiialyq baǵytty negizge alyp, ártúrli áleýmettik toptardyń naqty múddelerin kózdep, el-jurttyń naqty suranystaryn ótegen jón», – dedi partiia tóraǵasy.
Sonymen birge, Elbasy óńirlerdi damytý baǵdarlamalarynyń júzege asyrylý barysyna toqtaldy.
– Qazir bul strategiialyq baǵdarlamalar oidaǵydai deńgeide júzege aspai otyr. Olardyń oryndalýyn qadaǵalap otyrǵan tiisti baqylaý joq. Keibir tarmaqtar múldem oryndalmaidy. Josparlanǵan jumystarǵa únemi túzetýler engizilip keledi. Sondyqtan Ulttyq ekonomika ministrligi «Nur Otan» partiiasymen jáne onyń fraktsiiamen birlesip, atalǵan baǵdarlamalardyń oryndalýy týraly tyńdaý uiymdastyrýy kerek. 2025 jylǵa deiin aýmaqtardy damytýdyń jańa baǵdarlamalaryn jasaý qajet, – dedi Nursultan Nazarbaev.
Osyǵan bailanysty Qazaqstannyń Tuńǵysh Prezidenti 2020 jyldyń 1 naýryzyna deiin ár aýdan, qala jáne oblys úshin aýmaqtyq damý baǵdarlamalaryn ázirleýdi tapsyrdy.
Elbasy sonymen birge «Nur Otan» partiiasynyń Parlament Májilisi men máslihattardaǵy fraktsiiasynyń jumysyna toqtalyp, «Nur Otan» partiiasynyń reitingi barlyq deńgeidegi depýtattardyń jumystarynyń nátijesinde qalyptasatynyn aitty.
Nursultan Nazarbaev depýtattardyń óńirlerge jumys saparlarynyń formatyn qaita qaraýdy jáne partiianyń qoǵamdyq qabyldaý bólmelerinde birinshi basshylar men azamattardyń kezdesýin uiymdastyrý jumystaryn jandandyrýdy tapsyrdy.
– Taldaý nátijesi bizdiń partiianyń depýtattary buqaralyq aqparat quraldaryn jetkilikti paidalanbaityndyǵyn kórsetti. Sonymen qatar, «Nur Otan» fraktsiiasy qoǵamdy tolǵandyratyn ózekti máseleler boiynsha bastama kótere bermeidi. Sońǵy birneshe ai ishinde «Nur Otan» fraktsiiasynyń músheleri birde-bir rezonanstyq is boiynsha óz ustanymdaryn bildirmegen, – dedi Qazaqstannyń Tuńǵysh Prezidenti.
Sonymen qatar, Elbasy fraktsiia jumysynda biýrokratiiany jáne úilestirýdiń kúrdeli protsedýralaryn joiý qajettigin atap ótti.
Nursultan Nazarbaev partiia organdarynyń – Partiialyq baqylaý komiteti men Sybailas jemqorlyqqa qarsy is-áreket jónindegi respýblikalyq qoǵamdyq keńestiń jumysyn jandandyrýdy tapsyrdy.
– Osy organdarǵa kiretin depýtattar belsendirek áreket etýi qajet. Sizder tiisti máselelerdi syndarly túrde kóterip, jurtshylyqtyń qatysýymen naqty sheshimder usynǵandaryńyz jón, – dedi partiia tóraǵasy.
Sonymen birge, Qazaqstannyń Tuńǵysh Prezidenti ózderine Konstitýtsiia arqyly bekitilgen zańnamalyq bastamany fraktsiia depýtattarynyń is júzinde qoldana bermeitinin atap ótti.
– Depýtattar – partiianyń dińgegi, belsendi elektorattyń negizi. Halyq sizderge partiia arqyly tiisti ókilettikter berdi. Sizder azamattarymyzdyń máselelerin sheshý jolynda jumys isteýlerińiz kerek, – dedi Elbasy.
Sóziniń sońynda Nursultan Nazarbaev partiianyń saiasi kóshbasshylyǵyn saqtap qalýdyń mańyzdylyǵyn atap ótti.
– Bizdiń basty mindetimiz – turaqtylyq, Qazaqstannyń ósip-órkendeýi jáne qarapaiym azamattardyń ál-aýqatyn jaqsartý. Sondyqtan ýádelerimizdi oryndaý úshin bar kúsh-jigerimizdi jumsaýymyz qajet, – dedi Elbasy.
