Foto: nazarbayev.kz
Nazarbaev ýniversiteti, Nazarbaev ziiatkerlik mektepteri men Nazarbaev qoryna qatysty zańǵa ózgeris engiziledi, - dep habarlaidy "Ult aqparat".
Búgin Senat depýtattary keibir zańnamalyq aktilerge kásibi biliktilik, memlekettik nagradalar, áleýmettik qamsyzdandyrý jáne bilim berý máseleleri boiynsha ózgerister men tolyqtyrýlar engizý týraly zań jobasyn maquldady. Ony iske asyrý úshin birqatar zańǵa, onyń ishinde "Nazarbaev Ýniversitetiniń", "Nazarbaev Ziiatkerlik mektepteriniń" jáne "Nazarbaev Qory" mártebesi týraly" ózgerister men tolyqtyrýlar engiziletin bolady.
"Memleket basshysynyń derbes bilim berý uiymdarynyń Joǵary qamqorshylyq keńesin qurý jónindegi ókiletin aiqyndaý boiynsha túzetýler kózdelgen", - delingen Senat qorytyndysynda.
Osy ýaqytqa deiin Joǵarǵy Qamqorshylyq keńestiń birinshi tóraǵasy Nursultan Nazarbaev bolǵan. Bul – zań normasy. Al jańa ózgeriske sáikes, Joǵarǵy Qamqorshylyq keńestiń tóraǵasy Prezident nemese ol taǵaiyndaǵan adam bolady.
