Reseidiń oppozitsiiadaǵy saiasatkeri Aleksei Navalnyi túrmegeli qamalǵaly birinshi ret suqbat berdi. Ol New York Times saýaldaryna jazbasha jaýap qaitardy, dep habarlaidy Azattyq.
Amerika basylymy jariialaǵan úlken materialda Navalnyidyń koloniiadaǵy ómiri, Reseidegi qazirgi saiasi jaǵdai, AQSh-tyń Resei jónindegi saiasaty týraly aitqandarynan tsitatalar keltirilgen. Ony "Resei túrmesindegi eń ataqty tutqyn" dep sipattaǵan. Navalnyiǵa qoiylǵan suraqtar men oǵan berilgen jaýaptardyń túpnusqasyn áriptesteri Navalnyi saityna da jariialaǵan.
Navalnyidyń sózinshe, AQSh pen Resei prezidentteriniń biyl maýsymda Jenevada ótken kezdesýin Resei memlekettik propogandasy Vladimir Pýtinniń mereiin ústem etken oqiǵa retinde kórsetken.
"Reseige qandai sanktsiia salý kerek dep oilaisyz?" degen suraqqa ol "sanktsiiany Reseige emes, Reseidi tonap, halqyn kedeishilike ushyratqandarǵa salý kerek" dep jaýap bergen.
Osyǵan uqsas oidy Navalnyi óziniń ýlanǵanyna bir jyl tolar qarsańda Batys BAQ-tarynyń betinde eske alyp, "oliarhtarǵa áli kúnge sanktsiia salynbaǵanyna qatty qynjylyp otyrǵanyn" aitqan edi.
Navalnyi suqbatynda koloniiadaǵy kúnderin de sýrettegen. Onyń sózine qaraǵanda, Navalnyi ýaqytynyń kóbi Resei telearnasyn kórýmen ótetinge uqsaidy, óitkeni kún tártibi solai. "Saǵat 18-de qylmyskerdiń durys adam qataryna qaita qosylǵanyn baiandaityn "patriottyq tárbie" baǵdarlamasy bolady. Uly Otan soǵysyna arnalǵan filmder nemese osydan 40 jyl buryn, bizdiń sportshylardyń amerikalyqtar men kanadalyqtardy oisyrata jeńgeni jaily film kóremiz. Maǵan Pýtin rejiminiń búgingi ómir men ótken ómirdi aýystyryp jibergeni túsinikti boldy" deidi Navalnyi.
Navalnyiǵa túrmede kúsh kórsetpegen. "Túrme psihologiialyq qysym jasaityn jer. Seni uryp-soqpaidy — kerisinshe udaiy, úzdiksiz arandatady, sóitip óziń bireýdi uratyn, qorqytatyn jaǵdaiǵa jetkizedi,— deidi ol. — Bizdiń lagerimizdegi qatygezdiktiń shyńy - uryp-soǵý, zańsyzdyq jasaý emes, kerisinshe zań men nusqaýlyqty útir-núktesine deiin qaldyrmai oryndatý" deidi ol.
Navalnyi byltyr tún ishinde oiatyp, qashýǵa beiim adam retinde teksergendi toqtatý jáne dáriger jiberý jóninde talap qoiyp, ashtyq jariialaǵan edi. Qazir ol kezdegiden densaýlyǵy jaqsy ekenin aitady.
Saiasat týraly aita kele "Pýtin rejimi - tarihi zańdylyq emes, tarihi kezdeisoqtyq. Tarihi kezdeisoqtyq erte me, kesh pe túzetilip, Resei demokratiianyń eýropalyq jolyna túsedi" dep úmittenetinin bildirgen.
Resei biligindegi jemqorlyqty áshkereleitin kóptegen zertteýlerdiń avtory Aleksei Navalnyi byltyr, 2020 jyldyń tamyzynda ýlanyp, aýrýhanaǵa túsken edi. Keiin Germaniia aýrýhanasyna aparaǵanda onyń organizminen "Novichok" tobyna jatatyn ýly zattar izi tabylǵan.
Bellingcatpen birqatar BAQ zertteýlerine súiene otyryp, Navalnyi ózin Resei FSB qyzmetkerleri ýlady dep málimdedi. Oppozitsioner Reseige oralysymen tutqyndalyp, túrmege qamalǵan. Buryn kesilgen shartty jazany túrme jazasyna aýystyrǵan. Quqyq qor,ǵaýshylar Navalnyidy saiasi tutqyn sanatyna qosty, Batys elderi ony bosatýdy birneshe márte talap etti. Navalnyi qyzmetine qatysy bar qurylymdardy Resei taiaýda ektremistik uiymdar qataryna jatqyzyp, jumysyna tyiym saldy, al Navalnyidyń kóptegen jaqtastary qýǵyn-súrgine ushyrady, keibiri shetelge ketýge májbúr boldy.
