رەسەيدٸڭ وپپوزيتسيياداعى ساياساتكەرٸ الەكسەي ناۆالنىي تٷرمەگەلٸ قامالعالى بٸرٸنشٸ رەت سۇقبات بەردٸ. ول New York Times ساۋالدارىنا جازباشا جاۋاپ قايتاردى, دەپ حابارلايدى ازاتتىق.
امەريكا باسىلىمى جارييالاعان ٷلكەن ماتەريالدا ناۆالنىيدىڭ كولونيياداعى ٶمٸرٸ, رەسەيدەگٸ قازٸرگٸ ساياسي جاعداي, اقش-تىڭ رەسەي جٶنٸندەگٸ ساياساتى تۋرالى ايتقاندارىنان تسيتاتالار كەلتٸرٸلگەن. ونى "رەسەي تٷرمەسٸندەگٸ ەڭ اتاقتى تۇتقىن" دەپ سيپاتتاعان. ناۆالنىيعا قويىلعان سۇراقتار مەن وعان بەرٸلگەن جاۋاپتاردىڭ تٷپنۇسقاسىن ەرٸپتەستەرٸ ناۆالنىي سايتىنا دا جارييالاعان.
ناۆالنىيدىڭ سٶزٸنشە, اقش پەن رەسەي پرەزيدەنتتەرٸنٸڭ بيىل ماۋسىمدا جەنەۆادا ٶتكەن كەزدەسۋٸن رەسەي مەملەكەتتٸك پروپوگانداسى ۆلاديمير پۋتيننٸڭ مەرەيٸن ٷستەم ەتكەن وقيعا رەتٸندە كٶرسەتكەن.
"رەسەيگە قانداي سانكتسييا سالۋ كەرەك دەپ ويلايسىز?" دەگەن سۇراققا ول "سانكتسييانى رەسەيگە ەمەس, رەسەيدٸ توناپ, حالقىن كەدەيشٸلٸكە ۇشىراتقاندارعا سالۋ كەرەك" دەپ جاۋاپ بەرگەن.
وسىعان ۇقساس ويدى ناۆالنىي ٶزٸنٸڭ ۋلانعانىنا بٸر جىل تولار قارساڭدا باتىس باق-تارىنىڭ بەتٸندە ەسكە الىپ, "وليارحتارعا ەلٸ كٷنگە سانكتسييا سالىنباعانىنا قاتتى قىنجىلىپ وتىرعانىن" ايتقان ەدٸ.
ناۆالنىي سۇقباتىندا كولونيياداعى كٷندەرٸن دە سۋرەتتەگەن. ونىڭ سٶزٸنە قاراعاندا, ناۆالنىي ۋاقىتىنىڭ كٶبٸ رەسەي تەلەارناسىن كٶرۋمەن ٶتەتٸنگە ۇقسايدى, ٶيتكەنٸ كٷن تەرتٸبٸ سولاي. "ساعات 18-دە قىلمىسكەردٸڭ دۇرىس ادام قاتارىنا قايتا قوسىلعانىن باياندايتىن "پاتريوتتىق تەربيە" باعدارلاماسى بولادى. ۇلى وتان سوعىسىنا ارنالعان فيلمدەر نەمەسە وسىدان 40 جىل بۇرىن, بٸزدٸڭ سپورتشىلاردىڭ امەريكالىقتار مەن كانادالىقتاردى ويسىراتا جەڭگەنٸ جايلى فيلم كٶرەمٸز. ماعان پۋتين رەجيمٸنٸڭ بٷگٸنگٸ ٶمٸر مەن ٶتكەن ٶمٸردٸ اۋىستىرىپ جٸبەرگەنٸ تٷسٸنٸكتٸ بولدى" دەيدٸ ناۆالنىي.
ناۆالنىيعا تٷرمەدە كٷش كٶرسەتپەگەن. "تٷرمە پسيحولوگييالىق قىسىم جاسايتىن جەر. سەنٸ ۇرىپ-سوقپايدى — كەرٸسٸنشە ۇدايى, ٷزدٸكسٸز ارانداتادى, سٶيتٸپ ٶزٸڭ بٸرەۋدٸ ۇراتىن, قورقىتاتىن جاعدايعا جەتكٸزەدٸ,— دەيدٸ ول. — بٸزدٸڭ لاگەرٸمٸزدەگٸ قاتىگەزدٸكتٸڭ شىڭى - ۇرىپ-سوعۋ, زاڭسىزدىق جاساۋ ەمەس, كەرٸسٸنشە زاڭ مەن نۇسقاۋلىقتى ٷتٸر-نٷكتەسٸنە دەيٸن قالدىرماي ورىنداتۋ" دەيدٸ ول.
ناۆالنىي بىلتىر تٷن ٸشٸندە وياتىپ, قاشۋعا بەيٸم ادام رەتٸندە تەكسەرگەندٸ توقتاتۋ جەنە دەرٸگەر جٸبەرۋ جٶنٸندە تالاپ قويىپ, اشتىق جارييالاعان ەدٸ. قازٸر ول كەزدەگٸدەن دەنساۋلىعى جاقسى ەكەنٸن ايتادى.
ساياسات تۋرالى ايتا كەلە "پۋتين رەجيمٸ - تاريحي زاڭدىلىق ەمەس, تاريحي كەزدەيسوقتىق. تاريحي كەزدەيسوقتىق ەرتە مە, كەش پە تٷزەتٸلٸپ, رەسەي دەموكراتييانىڭ ەۋروپالىق جولىنا تٷسەدٸ" دەپ ٷمٸتتەنەتٸنٸن بٸلدٸرگەن.
رەسەي بيلٸگٸندەگٸ جەمقورلىقتى ەشكەرەلەيتٸن كٶپتەگەن زەرتتەۋلەردٸڭ اۆتورى الەكسەي ناۆالنىي بىلتىر, 2020 جىلدىڭ تامىزىندا ۋلانىپ, اۋرۋحاناعا تٷسكەن ەدٸ. كەيٸن گەرمانييا اۋرۋحاناسىنا اپاراعاندا ونىڭ ورگانيزمٸنەن "نوۆيچوك" توبىنا جاتاتىن ۋلى زاتتار ٸزٸ تابىلعان.
Bellingcatپەن بٸرقاتار باق زەرتتەۋلەرٸنە سٷيەنە وتىرىپ, ناۆالنىي ٶزٸن رەسەي فسب قىزمەتكەرلەرٸ ۋلادى دەپ مەلٸمدەدٸ. وپپوزيتسيونەر رەسەيگە ورالىسىمەن تۇتقىندالىپ, تٷرمەگە قامالعان. بۇرىن كەسٸلگەن شارتتى جازانى تٷرمە جازاسىنا اۋىستىرعان. قۇقىق قور,عاۋشىلار ناۆالنىيدى ساياسي تۇتقىن ساناتىنا قوستى, باتىس ەلدەرٸ ونى بوساتۋدى بٸرنەشە مەرتە تالاپ ەتتٸ. ناۆالنىي قىزمەتٸنە قاتىسى بار قۇرىلىمداردى رەسەي تاياۋدا ەكترەميستٸك ۇيىمدار قاتارىنا جاتقىزىپ, جۇمىسىنا تىيىم سالدى, ال ناۆالنىيدىڭ كٶپتەگەن جاقتاستارى قۋعىن-سٷرگٸنە ۇشىرادى, كەيبٸرٸ شەتەلگە كەتۋگە مەجبٷر بولدى.
