Qazaqstan aýmaǵynan atomosferalyq aǵyndardyń ótýine bailanysty eldiń basym bóliginde kún raiy qubylyp turady. Kei jerlerde jaýyn jaýady. Ásirese eldiń batysy men ońtústik-batysynda jaýyn kóp bolady. Sondai-aq eldiń birqatar aýmaqtarynda tuman túsip, kóktaiǵaq bolyp, jel kúsheiedi, dep habarlaidy "Ult aqparat" "Qazgidromet" RMK-ǵa silteme jasap.
Soltústikte jeldiń sońy boranǵa ulasýy yqtimal.
Soltústik Qazaqstan oblysynyń kei jerlerinde tuman túsip, kóktaiǵaq bolady. Sondai-aq boran soǵyp, jeldiń jyldamdyǵy sekýndyna 15-20 metrge jetedi. Kei jerlerde ekpini sekýndyna 25 metr bolýy yqtimal.
Aqmola, Qostanai oblystarynda tuman túsip, kóktaiǵaq bolyp, boran soǵady, jel sekýndyna 15-20 metr jyldamdyqpen uitqidy. Qostanai oblysynda jeldiń ekpini 23 m/s-qa jetýi yqtimal.
Almaty oblysynda túnde jáne tań ata tuman túsip, Jalańashkól aýdanynda kúndiz jel 15-20 m/s jyldamdyqpen soǵyp, ekpini sekýndyna 25-metrge jetýi múmkin.
Jambyl oblysynda túman túsip, tań ata jáne kúndiz jel sekýndyna 15-20 metr jyldamdyqpen uitqidy.
Batys Qazaqstan oblysynda tuman túsip, kóktaiǵaq bolyp, jeldiń jyldamdyǵy sekýndyna 15-20 metrge jetedi.
Atyraý oblysynyń kei jerlerinde tuman túsip, jeldiń ekpini sekýndyna 15-20 metrge jetedi.
Túrkistan, Qyzylorda, Mańǵystaý, Aqtóbe, Qaraǵandy, Shyǵys Qazaqstan oblystarynda túman túsýi yqtimal.
