Naýryzdaǵy Ulttyq biryńǵai testileý kompiýterlik formatta ótedi. Bul týraly Ulttyq testileý ortalyǵynyń direktory Didar Smaǵulov aitty, dep habarlaidy "Ult aqparat".
«Naýryzdaǵy Ulttyq biryńǵai testileý kompiýterlik formatta ótedi Onyń nátijesimen aqyly bólimge túsýge bolady. Tirkelý boiynsha aqparat kelesi aptada jariialanady. Siz ózińizge yńǵaily kúndi jáne ýaqytty tańdap, jańa formattaǵy emtihandy Naýryz ai boiy synai alasyz!», - dep jazdy Didar Smaǵulov Facebook paraqshasynda .
Degenmen ortalyq basshysy naýryz aiyndaǵy testileý aqyly ekendigin aitady. Oǵan qatysý túlektiń óz erkinde jáne quny 2 242 teńgeni quraidy.
«Al grantqa túsý úshin kompiýterlik UBT sáýir-maýsym aralyǵynda ótedi jáne sizde 2 tegin múmkindik bolady. Sol testileý sertifikatynyń bireýin shildede bolatyn konkýrsqa jiberesiz. Sonymen, kompiýterlik UBT-ny jalpy 3 ret tapsyryp, eń joǵary nátijege jetetinińizge kúmánim joq», - dedi ol.
