Enpf-otbasy.kz platformasy 732 myńnan astam qazaqstandyqqa turǵyn úi jaǵdaiyn jaqsartýǵa jáne emdelýge qajet resýrstardy alýǵa kómektesti, dep habarlaidy QazAqparat.
«Otbasy banki» málimetinshe, ortasha eseppen alǵanda, 2021 jyly platformaǵa ai saiyn 100 myńǵa deiin ótinim kelip tústi. 1-30 naýryz aralyǵynda enpf-otbasy.kz platformasynda klientterden túsken ótinimder sany 2022 jyldyń eń joǵarǵy deńgeii - 870 myńǵa jetti. Onyń ishinde:
1. Aiaqtalǵan ótinimder - bul maquldanǵan ótinimder, onda qarajat nysanaly maqsaty boiynsha jiberildi - 352 myń.
2. BJZQ klient qarajatynyń jetkiliksiz bolýyna bailanysty keri qaitarǵan ótinishter sany - 146 myń.
3. Klient nysanaly maqsatyn rastaityn qujattardy bekitedi dep kútiletin ótinimder - 106 myń.
4. Salynǵan qujattardy tekserýge ótinim - 73 myń.
5. Klienttiń ózi joiǵan ótinimder - 52 myń.
6. Klientter qol qoimaǵan, aiaqtalmaǵan ótinimder – 35 myń.
7. Pysyqtaýǵa jiberilgen ótinimder - 34 myń.
8. BJZQ-nan arnaiy shotqa qarajat túsýin kútýdegi ótinimder - 33 myń.
9. Tolyqtyrý úshin Otbasy bankiniń salymyn tańdaý qajet ótinimder – 20 myń
10. BJZQ-na qaitarylǵan qarajat boiynsha ótinimder - 19 myń.
Kelip túsken barlyq ótinimder, sondai-aq maqsatty rastaityn qujattar salynǵan ótinimder kezek tártibimen pysyqtalady.
