«Qazgidromet» RMK naýryz aiyna arnalǵan aýa raiy boljamyn jariialaidy, dep habarlaidy "Ult aqparat".
Birinshi onkúndiktiń basynda aýa temperatýrasy túnde 5-10 gradýs aiaz, shyǵysta kei jerlerde 15-20 gradýsqa deiin aiaz, ońtústik óńirlerde - kúndiz aýa temperatýrasy 10-20 gradýsqa deiin jylynady.
Naýryzdyń basynda jáne ortasynda atmosferalyq fronttardyń ótýine bailanysty respýblikanyń basym bóliginde jaýyn-shashyn (jańbyr, qar), ońtústik, ońtústik-shyǵys jáne shyǵys aimaqtardyń kei jerlerinde qatty, ekpindi jel 15-25 m/s deiin, soltústik óńirlerde burqasynmen jaýyn-shashyn kútiledi. Respýblika boiynsha jii tuman, soltústik jartysynda kóktaiǵaq kútiledi. Jaýyn-shashynmen qatar aýa temperatýrasy tómendeidi.
Birinshi onkúndiktiń sońynda Kar teńizinen jyljyǵan sýyq antitsiklonnyń áserinen respýblikanyń soltústiginde, shyǵysynda jáne ortalyǵynda aýa temperatýrasy tómendep, termometr baǵany túnde 10-15, kei jerlerinde 20-25 gradýsqa deiin aiaz, kúndiz aýa temperatýrasy 5-13 gradýsqa tómendeidi, ońtústikte túnde 2-12 aiazǵa deiin, kúndiz 0-8 gradýsqa deiin tómendeýi múmkin.
Qazaqstannyń batysynda birinshi onkúndiktiń basynda jáne ortasynda jaýyn-shashyn kútiledi, aýa temperatýrasy túnde 0...8 aiazdan 0...5 jylyǵa deiin, kúndiz 0...5 jylydan 5...13 jylyǵa deiin ózgeredi.
Naýryz aiynda aýanyń ortasha ailyq temperatýrasy Qazaqstannyń basym bóliginde normadan 1°S joǵary, ońtústik - shyǵys bóliginde norma shamasynda (norma: soltústik jartysynda - 3...9 aiaz, ońtústik jartysynda - 2 aiaz...8 jylýdy quraidy).
Respýblikanyń basym bóliginde jaýyn-shashyn mólsheri normadan kóp, elimizdiń batys bóliginde norma shamasynda bolady dep boljanýda (QR basym bóliginde norma 10-25 mm, tek ońtústik, ońtústik-shyǵys jáne shyǵys taý jáne taý bókterli aýdandarynda 30-90 mm.)
Bir ai ishinde tsiklondar men antitsiklondardyń jii aýysýy jaýyn-shashynnyń jii túsýine jáne aýa temperatýrasynyń ózgerýine sebepshi bolady.
