Naýryz meiramy qarsańynda suranystyń artýyna bailanysty qosymsha poiyzdar jolǵa shyǵady.
«Jolaýshylary tasymaly» AQ baspasóz qyzmetiniń aqparatyna sáikes, kelesi baǵytta qosymsha poiyzdar júredi:
- №7510 Astana-1-Pavlodar baǵytyndaǵy poiyz 19, 20, 21, 25 naýryz kúnderi bir baǵytta qatynaidy;
- Sol sekildi №7502 Astana-1-Pavlodar baǵytyndaǵy poiyz 25 naýryz kúni bir baǵytta qatynaidy;
- №7509 Pavlodar-Astana-1 baǵytyndaǵy poiyz 20 naýryz kúni bir baǵytta qatynaidy.
Sonymen birge, mereke kúnderi joǵary suranysqa ie baǵyttar boiynsha (2019 jyldyń 19-26 naýryzy kúnderi) jolaýshylar poiyzyna qosymsha 220 tirkeme tirkeý josparlanǵan.
«Jolaýshylary tasymaly» AQ sonymen qatar mereke kúnderi bir rettik qosymsha poiyzdardy jiberý kózdelip otyrǵanyn eske salady.
Naqty aitqanda, kompaniia málimetine sai, №202/201 «Astana-1-Pavlodar» poiyzy qatynaityn bolady. Jolaýshylar kóligi Astana-1-den 20, 24 naýryz kúnderi jóneltiledi, al Pavlodardan 21, 25 naýryz kúnderi keri shyǵady. Sol sekildi №204/203 «Astana-1-Almaty-1» poiyzy Astana-1-den 20, 24 naýryz kúnderi, al Almaty-1-den 21, 25 naýryz kúnderi; №205/206 «Almaty-2-Arys-1» poiyzy Almaty-2-den 7, 21 naýryz kúnderi, al Arys-1-den 9, 23 naýryz kúnderi qatynaidy. №241/242 «Qyzylorda-Atyraý» poiyzy Qyzylordadan 20, 22, 24 naýryz kúnderi, al Atyraýdan keri baǵytta 21, 23, 25 kúnderi júredi.
«Kompaniia poiyzdardaǵy jolaýshylardyń sanyna monitoring júrgizip otyr. Suranys artqan kezde belgili bir ýaqytta tehnikalyq múmkindikterge sáikes, vagondar qosylyp, qosymsha poiyzdar jolǵa shyǵady. Qolǵa alynǵan sharalar merekeler kezinde 18 myńǵa deiin jolaýshyny tasymaldaýǵa múmkindik beredi», - delingen kompaniianyń habarlamasynda.
