QR Densaýlyq saqtaý ministri Ajar Ǵiniiat eldegi epidemiologiialyq jaǵdaidy baiandady, dep habarlaidy QazAqparat.
«Densaýlyq saqtaý ministrligi Memleket basshysynyń eldegi epidemiologiialyq jaǵdaidy turaqtandyrýǵa jáne karantin sharalaryn qaita qaraý men jeńildetýge baǵyttalǵan tapsyrmalaryn oryndady. Búgingi tańda kúnine orta eseppen 100 jaǵdai tirkeledi, bul - jaqsy nátije. Jalpy Qazaqstanda naýryz aiynda aqpannyń osy kezeńimen salystyrǵanda syrqattaný 33 ese tómendedi. Reprodýktivti juqtyrǵysh sany úsh ese azaidy», - dedi A. Ǵiniiat Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, infektsiialyq jáne reanimatsiialyq tósek-orynnyń 8%-ynda ǵana naýqastar jatyr.
Sońǵy aida emin jalǵastyratyn adamdar sany 5 ese azaiǵan.
«Búginde 8 350 naýqas em alýda, onyń ishinde statsionarda – 6 707, ambýlatorlyq deńgeide – 7 680 naýqas bar. Qazir Qazaqstan Respýblikasy men barlyq óńirler jasyl aimaqta ornalasqan. Virýstyń omikron nusqasynan týyndaǵan aýrýdyń sońǵy órshýi eń qysqa boldy, shamamen bir aiǵa sozyldy. Bul KVI taralýyn boldyrmaý úshin memlekettiń, biznestiń, halyqtyń úilestirilip birlesken sharalarynyń tiimdiligimen bailanysty», - dedi ministr.
