Aldaǵy kúnderi Qazaqstanda kóktemge tán turaqsyz, qubylmaly aýa raiy kútiledi, dep habarlaidy "Ult aqparat" Qazgidrometke silteme jasap.
Respýblikanyń soltústik bóliginde kei jerlerde qar, burqasyn, kóktaiǵaq boljanady. Ońtústik bóliginde jaýyn-shashyn (arty jańbyrǵa ulasatyn qar), tuman, kóktaiǵaq. Aýa temperatýrasy soltústik bóliginde túnde 0...5, kei jerlerde 10 gradýs aiazǵa deiin, kúndiz 0...5 jylyǵa deiin kóteriledi; ońtústik bóliginde túnde 0...5, kei jerlerde 10, kúndiz 10...18 gradýsqa deiin kóteriledi.
5-7 naýryz aralyǵynda Reseidiń ońtústik bóligi aimaǵynan kelgen sýyq antitsiklon búkil respýblika aýmaǵynda aýa temperatýrasynyń tómendeýine sebep bolady. Soltústikte, shyǵysta, ortalyqta synap baǵanasy túnde 10...15, kei jerlerde 20 gradýs aiazǵa deiin tómendeidi. Batysta ońtústikte, ońtústik-shyǵysta túnde 2...7 gradýs aiazǵa deiin tómendeidi.
Halyqaralyq áielder kúni jáne demalys kúnderi aýa raiy qaita jylynady, kúndiz batysta, ońtústik-batysta 3...8 gradýs jyly bolady. Soltústikte, shyǵysta, ortalyqta minýs 5 gradýs aiaz bolady. Ońtústikte, ońtústik-shyǵysta 10...15 gradýsqa deiin jylynady.
Aidyń ekinshi jartysynda sýyq qaitýy múmkin.
