QR Mádeniet jáne sport ministrligi naýryz aiynda Qazaqstanda ótetin is-sharalardyń kestesin jariialady, dep habarlaidy "Ult aqparat".
Osy oraida naýryz aiy qazaqtyń ulttyq mádenieti men dástúriniń aiy retinde belgilenip otyr.
«Kez kelgen halyq úshin Táýelsizdik kúniniń orny bólek. Biyl 2021 jyly elimiz Táýelsizdiktiń 30 jyldyǵyn atap ótip jatyr. Osynaý ulyq merekege arnalǵan respýblikalyq is-sharalar jospary bekitildi. Sonymen qatar Mádeniet jáne sport ministrligi túrli 500-ge jýyq is-sharadan turatyn qosymsha jospar ázirledi. Bul qatarda teatrlandyrylǵan qaiylym, festival, kórme, lektsiia, ǵylymi konferentsiia, sheberlik sabaǵy, arnaiy onlain platforma, chellendj, aktsiia, flesh-mob syndy kóptegen is-shara bar», - delingen vedomstvo málimetinde.
Atalǵan is-sharalar ulttyq mádenietti ilgeriletýge, salt-dástúrlerdi jandandyrýǵa, salaýatty ómir saltyn nasihattaýǵa, buqaralyq sportty, sonyń ishinde ulttyq sport túrlerin damytýǵa baǵyttalǵan.
Jalpyrespýblikalyq sport boiynsha naýryz «Qazaqtyń ulttyq mádenieti men dástúr» aiy retinde belgilendi. Osy aida mereitoidyń mazmunyn baiytýǵa arnalǵan mádeni is-sharalar ótedi. Jalpy alǵanda naýryz aiynda birneshe ataýly mereke qatar tur. Máselen, aidyń alǵashqy kúni -Alǵys aitý kúni, 8 naýryz – Halyqaralyq áielder men qyz-kelinshekter merekesi, 22 naýryz – túrki halyqtarynyń Jańa jyly. Iaǵni, túrli is-sharalar naýryzdyń alǵashqy kúninen bastap, sońynan deiin jalǵasady.
1 naýryzda el boiynsha 250-ge jýyq arnaiy joba ótedi. Onyń 60-tan astamy respýblikalyq uiymdar enshisinde.
Mysaly, «Astana balet» memlekettik opera jáne balet teatry dárigerlerdi «Tainy zakýlisia» jobasyna shaqyrsa, «Qazaqkontsert» ujymy muǵalimder men dárigerlerge «Meiirimdi bolaiyqshy, baýyrlar!» kontsertin, Ǵabit Músirepov atyndaǵy Qazaq Memlekettik Akademiialyq balalar men jasóspirimder teatry muǵalimderdi «Muǵalim» qoiylymyn, Q.Qýanyshbaev atyndaǵy memlekettik akademiialyq qazaq mýzykalyq drama teatry dárigerler, muǵalimder men ekologtarǵa arnalǵan mýzykalyq kesh usynady.
Osy rette túrli etnos ókilderiniń qatysýymen «Alǵys aitý – paryzym» atty chellendj ben «S blagodarnostiý medrabotnikam i ýchiteliam!» aktsiiasy bastalǵaly tur.
Sonymen qatar «Syrly saz – Otanǵa» atty respýblikalyq óner kerýeni, M.Iu. Lermontov atyndaǵy memlekettik akademiialyq orys drama teatry «Vernaia jena» spektakli, QR Ulttyq kitaphanasy № 1 balalar úiin qoldaý maqsatynda «Aialy alaqan» qaiyrymdylyq aktsiiasy, «Bozoq» memlekettik tarihi-mádeni mýzei-qoryǵy Qazaqstan halqy Assambleiasy ókilderiniń qatysýymen «Otanym bolǵan qazaq jerine alǵys aitamyn!» dóńgelek ústeli ótedi.
Halyqaralyq áielder kúnine orai birqatar qaiyrymdylyq kontsert ótedi. Olar: «Táýelsizdik qurdastary», «Aqbilek» qoiylymynyń premerasy, «Beineleý óneri shyǵarmalarynda áiel obrazy» kórmesi, Sh.Aimanov atyndaǵy «Qazaqfilm» qoryndaǵy ulttyq filmder kórsetilimi, «Ádebiettegi áiel jazýshylar» dóńgelek ústeli otyrysy, sondai-aq tetrlardaǵy túrldi qoiylymdar.
14 mamyr «Kórisý kúni» qarsańynda Q.Qýanyshbaev atyndaǵy memlekettik akademiialyq qazaq mýzyka drama teatry ujym ardagerlerimen kezdesý, «Bozoq» memlekettik tarihi-mádeni mýzei-qoryǵy «Amal-kórisý merekesi Qazaqstannyń ejelgi geografiiasy men qazirgi mádenieti aiasynda» atty dáris, M.Áýezov atyndaǵy Qazaq Ulttyq drama teatry «Júz jyldyq mahabbat», «Oń qol» dramasynyń kórsetilimin, Ǵaziza Jubanova atyndaǵy Aqtóbe oblysynyń filarmoniiasy «Kóriseiik aǵaiyn!» kontsertin, Asqar Toqpanov atyndaǵy Jambyl oblysynyń qazaq drama teatry «Kórisý dástúri» spektaklin uiymdastyrady.
Kúlli túrki halqy úshin jańarýdyń simvolyna ainalǵan Naýryz merekesiqarsańynda 21 men 23 naýryz aralyǵynda elimizde 500-dei is-shara ótedi. Bul jiyndar ulttyq salt-dástúrlerdi jańǵyrtýǵa, ekologiia mádenietin qalyptastyrýǵa, halyq arasyndaǵy dostyq bailanysty nyǵaitýǵa oń yqpal etedi. Osy is-sharanyń bári «Áz Naýryz – ulttyq sananyń, ulttyq birliktiń jarqyn kórinisi»,-degen uranmen ótedi.
Mysaly, ulttyq taǵam túrleriniń jármeńkesi, ólketaný ekskýrsiia, kontsert, etnokórme, teatrlandyrylǵan qoiylymdar qamtylmaq.
Bul is-shalar jaiynda Mádeniet jáne sport ministrligi saitynda tolyǵyraq tanysýǵa bolady.
