Naýryz aiynyń basynan teńge 0,8 paiyzǵa álsiredi. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy "Ult aqparat".
«Biylǵy aqpanda munai baǵasy OPEK+ elderiniń shikizat óndirýdi qysqartýy, AQSh-taǵy temperatýranyń óte tómen bolýy, álemde Covid-19 aýrýynyń tómendeýi nátijesinde jyldyq rekordtan asyp tústi», - dedi 2021 jyldyń qańtar-aqpanyndaǵy elimizdiń áleýmettik-ekonomikalyq damý qorytyndysy jaiynda baiandaǵan ol.
Onyń atap ótýinshe, rekordtyq mánge jetken Qazaqstannyń memlekettik baǵaly qaǵazdar naryǵyna sheteldik kapitaldyń ákelinýimen qatar respýblikalyq biýdjetke transfertter bólý aiasynda Ulttyq qor aktivterin konvertatsiialaý, kvazimemlekettik sektor kompaniialarynyń eksporttyq valiýta túsiminiń bir bóligin satý, sondai-aq kompaniialardyń toqsandyq salyq tólemderi esebinen aqpanda ulttyq valiýta aiyrbastaý baǵamynyń bir AQSh dollary úshin 417,09 teńgege deiin 1,7 paiyzǵa nyǵaiýyna yqpal etti.
«10 naýryzda teńge baǵamy salyqtyq kezeńniń aiaqtalýy, sanktsiialyq ritorikanyń kúsheiýi saldarynan negizgi saýda áriptesi valiýtasynyń álsireýi aiasynda aidyń basynan beri 0,8 paiyzǵa álsirep, bir AQSh dollary úshin 420,58 teńgeni qurady», - dedi Erbolat Dosaev.
