Jelide aýyrǵan ákesin jol boiyndaǵy jedel járdemge jetkizý úshin shanaǵa salyp súiregen balaqaidyń sýreti tarap ketti. Atalǵan fotony belgili jýrnalist Gúlmira Ábiqai óziniń Facebook-taǵy paraqshasynda jariialaǵan, dep jazady "Ult aqparat".
Jýrnalistiń jazbasyna súiensek, bul jaǵdai Arqalyq mańyndaǵy Olimpiiskaia aýylynda bolǵan.
"Arqalyq mańyndaǵy kúrtik qar kúrelmegendikten, jedel járdem naýqasqa jete almaidy. Olimpiiskaia eldi mekeninen naýqasty tas jolǵa deiin shanamen súireýge kómektesken feldsherge rahmet. Myna kórinisti kórip otyrsa, ákim qardyń astyna kirip ketpei, kabinetinde qalai otyr eken?", - dep jazady Gúlmira Abyqai Facebook áleýmettik jelisindegi paraqshasynda.
Sondai-aq, jýrnalist elimizdiń sýyq óńirlerinde qarda erkin zymyraityn shanalar men sanaviatsiiany rettemegeni úshin densaýlyq saqtaý ministrligin synǵa aldy.
Al Gúlmira Abyqaidyń jazbasyn kórgen jeli oqyrmandary bolsa pikirlerin qarsha boratty. Olardyń basym bóligi naýqas ákesin jedel járdemge deiin shanamen súireýge kómektesken balaǵa alǵystaryn bildirdi.
"Azamat eken", "Batyr bala", "Kishkentai júregińnen ainaldym", "Fotobaiqaý bolsa tańdaýly orynǵa ie bolatyn fotosýret eken", dedi olar.
