جەلٸدە اۋىرعان ەكەسٸن جول بويىنداعى جەدەل جەردەمگە جەتكٸزۋ ٷشٸن شاناعا سالىپ سٷيرەگەن بالاقايدىڭ سۋرەتٸ تاراپ كەتتٸ. اتالعان فوتونى بەلگٸلٸ جۋرناليست گٷلميرا ەبٸقاي ٶزٸنٸڭ Facebook-تاعى پاراقشاسىندا جارييالاعان, دەپ جازادى "ۇلت اقپارات".
جۋرناليستٸڭ جازباسىنا سٷيەنسەك, بۇل جاعداي ارقالىق ماڭىنداعى وليمپييسكايا اۋىلىندا بولعان.
"ارقالىق ماڭىنداعى كٷرتٸك قار كٷرەلمەگەندٸكتەن, جەدەل جەردەم ناۋقاسقا جەتە المايدى. وليمپييسكايا ەلدٸ مەكەنٸنەن ناۋقاستى تاس جولعا دەيٸن شانامەن سٷيرەۋگە كٶمەكتەسكەن فەلدشەرگە راحمەت. مىنا كٶرٸنٸستٸ كٶرٸپ وتىرسا, ەكٸم قاردىڭ استىنا كٸرٸپ كەتپەي, كابينەتٸندە قالاي وتىر ەكەن?", - دەپ جازادى گٷلميرا ابىقاي Facebook ەلەۋمەتتٸك جەلٸسٸندەگٸ پاراقشاسىندا.
سونداي-اق, جۋرناليست ەلٸمٸزدٸڭ سۋىق ٶڭٸرلەرٸندە قاردا ەركٸن زىمىرايتىن شانالار مەن ساناۆياتسييانى رەتتەمەگەنٸ ٷشٸن دەنساۋلىق ساقتاۋ مينيسترلٸگٸن سىنعا الدى.
ال گٷلميرا ابىقايدىڭ جازباسىن كٶرگەن جەلٸ وقىرماندارى بولسا پٸكٸرلەرٸن قارشا بوراتتى. ولاردىڭ باسىم بٶلٸگٸ ناۋقاس ەكەسٸن جەدەل جەردەمگە دەيٸن شانامەن سٷيرەۋگە كٶمەكتەسكەن بالاعا العىستارىن بٸلدٸردٸ.
"ازامات ەكەن", "باتىر بالا", "كٸشكەنتاي جٷرەگٸڭنەن اينالدىم", "فوتوبايقاۋ بولسا تاڭداۋلى ورىنعا يە بولاتىن فوتوسۋرەت ەكەن", دەدٸ ولار.
