Senattyń jalpy otyrysynda depýtat Nariman Tóreǵaliev Qyzylorda oblysy Jańaqorǵan aýdanynda júzege asyrylýǵa tiis bolǵan «Syrdariia jáne Talap toptyq sý qubyrynyń qurylysy» jobalaryna qatysty problemalardy kóterdi. Osy oraida Úkimet basshysynyń orynbasary Roman Skliardiń atyna saýal joldady, dep habarlaidy "Ult aqparat".
Joba boiynsha aýdannyń 28 eldi mekeninde turyp jatqan 43 myńǵa jýyq turǵyn aýyz sýmen qamtylý kerek edi.
Syrdariia toptyq sý qubyry 5,2 mlrd teńge qarjyǵa salynyp, paidalanýǵa berildi. Al, Talap toptyq sý qubyrynyń qurylys jumystaryna 5,5 mlrd teńge jumsalǵan.
Depýtattyń aitýynsha, 11 mlrd teńgege jýyq qarajat jumsalǵan, 2014 jyldan bastap júrgizilgen jobanyń túpkilikti nátijesin halyq kórmei otyr. Sebebi, Talap sý óndirý kesheninde qazylǵan 8 uńǵymadan qum aralas sý shyǵyp jatyr. Sonymen qatar, atalǵan eki toptyq sý qubyry sýmen jabdyqtaýdyń erekshe mańyzdy toptyq jáne oqshaý júieleriniń tizbesine engizilmegen. Iaǵni, halyq aýyz sýǵa tolyq tarifpen tóleýge májbúr bolady.
«Qazirgi tańda aýyz sý halyqqa kúnine 1-2 saǵatqa berilip, ýaqytpen shektelgen. Osy jobalardyń tolyq iske qosylmaýy saldarynan turǵyndar aýyz sýdy aýlada ornalasqan shahtalyq qudyqtardan nemese kishi uńǵymalardan alyp ishýge májbúr», – deidi senator.
Depýtat óz saýalyn Premer-Ministrdiń orynbasaryna joldai otyryp, Talap jáne Syrdariia toptyq sý qubyrlarynyń iske qosylýyn jyldamdatyp, Tizbege engizip, sýbsidiialaýǵa qatysty máselelerin sheshýge yqpal jasaýyn surady.
