«National Geographic» álemdik basylymy álemniń túrli qalalalaryndaǵy jańajyldyq otshashý sýretterin jariialady. Onyń ishine Nur-Sultandaǵy Esil jaǵasyndaǵy kópir sýreti de engen, dep habarlaidy "Ult aqparat" elorda ákimdigine silteme jasap.
«Qazaqstan, Nur-Sultandaǵy tún. 2020 jyl qarsańynda jańajyldyq merekelerdi kórsetetin bizdiń fotosýretshilermen álemdi aralańyz. #nye2020», - dep jazylǵan National Geographic jýrnalynyń Instagram paraqshasynda.
Fotosýretti tanymal amerikalyq fotosýretshi Djordj Shtainmets (George Steinmetz) túsirgen.
«Ol qazir Qazaqstan astanasynda «National Geographic» jýrnalyna qysqy Nur-Sultan týraly fotomaterialdar ázirlep jatyr. Ásirese Djordj paraglaiderden (motorly parashiýt) túsirilgen biregei sýretterimen tanymal», - dep habarlady Nur-Sultan qalasynyń qoǵamdyq damý isteri basqarmasy.
Óziniń 25 jyldyq mansabynda Djordj World Press Photo, Pictures of the Year, Overseas Press Club, Life Magazine’s Alfred Eisenstadt Awards, National Science Foundation júldelerin jeńip alǵan. National Geographic pen GEO Magazine onyń fotosýretterin jii jariialaidy.
Instagram jelisindegi National Geographic paraqshasyna álemniń túrli elderinen 128 mln adam jazylǵan.
Eske sala keteiik, qala turǵyndary men qonaqtary otshashýdy 1 qańtarǵa qaraǵan túni Esil ózeniniń jaǵasynda, Botanikalyq baq aýmaǵynda, Abylai han dańǵyly men Pýshkin kóshesiniń qiylysynda ornalasqan alańda tamashalady. Otshashý jergilikti ýaqyt boiynsha 00:00-de bastalyp, 7 minýtqa sozyldy. Otshashýdyń biiktigi 210 metr, eni 250 metr.
Otshashý úshin qalalyq biýdjetten aqsha bólinbegen, demeýshiler esebinen uiymdastyrylǵan.
