Qazaqstanda esirtki tutynatyndardyń sany resmi tirkelgenderden on ese kóp bolýy múmkin. Bul týraly 20 aqpanda ótken brifingte Esirtki qylmysyna qarsy is-qimyl departamenti ókili aitty dep habarlaidy «Ult Aqparat».
Búgingi tańda 18 myńnan astam tirkeýde turǵan adam bar dep aitylady, biraq ol bes, alty emes, tipti on ese kóp bolýy múmkin. Sondyqtan esepti anyq bilý úshin skrining júiesin josparlap otyrmyz», - deidi QR IIM Esirtki qylmysyna qarsy is-qimyl departamenti bastyǵynyń orynbasary Baqytjan Ámirhanov.
Mamandardyń aitýy boiynsha esirtkige táýeldi adamdardyń 91 paiyzy erler, 9 paiyz áielder. Qazirgi ýaqytta psihoaktivti zattardy tutynǵan dep tirkeýde turǵan 108 myńnan astam bar. Olardyń 18 myńy esirtki nemese psihotropty zattarǵa táýeldi dep esepteledi. Esirtkige táýeldilerdiń 15 paiyzy 18-29 jas aralyǵyndaǵy jastar. Nashaqorlardyń arasynda balalar men jasóspirimderdiń sany 66 adam eken.
