Ulttyq aeronavtika jáne ǵarysh basqarmasy (NASA) Perseverance marskezerinen alǵashqy panoramasyn jariialady. Panorama 142 sýretten quralǵan, - dep habarlaidy NASA.
Sýret 18 aqpanda marskezer qonǵannan keiin birden jasalǵan, alaida ol Jerge deiin sapaly túrde jetýi úshin biraz ýaqyt qajet bolǵan, artynsha grafikalyq redaktorda panorama jasalǵan. Sýrettiń túpnusqasyn myna jerden kórýge bolady.
Panorama Mastcam-Z kamerasynyń kómegimen jasalǵan, ol jyljymaly shtativte ornalasqan. Kamera 360 gradýsqa ainala alady jáne az ýaqyt aralyǵymen sýretke túsire alady. Ol zamanaýi smartfondardaǵy "panorama" fýnktsiiasyna uqsas, biraq Marstan túsirilgen sýretterdi qolmen jinaýǵa týra kelgen.
Markezerdiń eki kamerasymen salystyrǵanda Mastcam-Z kamerasynda eki obektiv bar. Bireýi jalpy kóriniske jaýap berse, endi biri jeke bólikterdi jaqyndatyp túsirý úshin arnalǵan. Dál osyndai fýnktsiia kóptegen smartfonda da bolady.
Ainalmaly panorama úzindisinen Ezero krateriniń shetin baiqaýǵa bolady.
Panormanyń jaqsy sapadaǵy túrin Marsty zertteýge arnalǵan NASA baǵdarlamasynyń resmi saitynan kórýge bolady.
