Perseverance dep atalatyn NASA marsohody Jerden 292,5 million mil qashyqtyqqa ushqan saparynan keiin Marsqa qaýipsiz qondy. AQSh Ulttyq aeronavtika jáne ǵarysh basqarmasy (NASA) Marsohodtyń sátti qonǵanyn rastady, dep habarlaidy CNN.
Marsohod jerge qonǵannan keiin birden qoný alańynyń alǵashqy sýretterin jiberdi, onda marsohodtyń kóleńkesi onyń qoný alańynyń betinde, Iezero krateri aýmaǵynda kórinedi.
Marsohod 6 ai buryn ushyrylǵan. Perseverance jáne onyń komandasy pandemiia kezinde sapardyń sońǵy kezeńderine jasalǵan daiyndyqtyń qiyndyqtaryn jeńe otyryp, apparattyń ataýyn aqtady.
«Bul qoný NASA, AQSh jáne búkil álemdegi ǵaryshty zertteý úshin mańyzdy sátterdiń biri bolyp tabylady», - dep málimdedi NASA direktorynyń mindetin atqarýshy Stiv Iýrchik.
