NASA 2028 jyly adamdardy Aiǵa jetkizýdi josparlap otyr, dep habarlaidy TASS agenttigi.
AQSh ǵarysh vedomstvosynyń 2020 jylǵy biýdjeti 21 mlrd dollardy quramaq. Onyń 363 mln dollary Aiǵa júk jetkizetin kommertsiialyq kompaniialardy qoldaýǵa bólinedi.
«Aiǵa adamdar men júk jetkizýde jeke kompaniialarmen seriktestik ornatý áreketi AQSh-tyń Ai-Ǵalam sharyn zertteýdegi basymdyǵyn bildiredi. Adamdardy Ai betine jetkizý 2028 jylǵa josparlanǵan», - delingen NASA qujatynda.
AQSh 2017 jyldan bastap Aidy zertteýdi qaita qolǵa alǵanyn málimdegen edi. Aidy zertteýdegi jańa baǵdarlama aiasynda NASA Ai mańynda Gateway stantsiiasyn jasaý ideiasymen jumys isteýde. Keleshekte aiǵa ushqan adamdar sonda qonady jáne keri qaitqanda da osy stantsiia arqyly ushady.
NASA-nyń habarlaýynsha, Gateway halyqaralyq joba jáne kommertsiialyq kompaniialardy tartýmen iske asyrylady.
