foto: Ulysmedia
Bas prokýrordyń orynbasary Jandos Ómiráliev Astanada ustalǵan munaishylar men olarǵa qatysty qoldanylǵan sharalar týraly aitty, - dep habarlaidy "Ult aqparat" Tengrinews.kz saityna silteme jasap.
"Keshegi jaǵdaiǵa qatysty. Is júzinde energetika ministrligi, "Qazmunaigaz" jáne IIM de jetkilikti túrde habardar bolǵan joq. Shynynda da, 10 sáýirde Energetika ministrligi ǵimaratynyń aldynda "BerÁli Manǵystaý Company" burynǵy jumysshylary zańsyz jinalys ótkizip, olardyń JShS-daǵy jumysyn qalpyna keltirýdi nemese "ÓzenMunaiGazǵa" jumysqa ornalastyrýdy talap etti. Aita ketý kerek, olar mundai aktsiialardy ótkizý týraly habarlama tártibin buzǵan. Mundai piketter men aktsiialar ákimdikterge bes kún buryn eskertilýi qajet. Mundai habarlama berilgen joq", - dedi Ómiráliev Májilis kýlýarynda.
Bas prokýrordyń orynbasary qazirgi ýaqytta ustalǵandar bosatylǵanyn atap ótti.
"Ákimshilik quqyqbuzýshylyqtyń aldyn-alý maqsatynda jiynǵa qatysýshylardyń bári Ishki ister organdaryna jetkizilgen bolatyn. Onyń nátijesinde tiisti profilaktikalyq jumys júrgizildi. Barlyq jumysshy qaitaryldy (126 adam - esk.). Biraq ishinde airyqsha belsendilik kórsetken bes azamatqa qatysty tiisti ákimshilik is qozǵalyp, sotta qaralyp, olarǵa eskertý tártibinde shara qoldanyldy. Keiin bul azamattar da bosatyldy", - dep qosty ol.
