Qazaqstanda nan baǵasy 250 teńgege deiin, tipti odan da joǵary ósýi múmkin, dep habarlaidy Ulysmedia.kz.
Atameken Business telearnasyń habarlaýynsha, sarapshylar basty sebep un baǵasynyń kúrt ósýi ekenin aitady. Jazdyń basynan olar úsh paiyzǵa ósken. Un tartýshylar men astyq óńdeýshiler reseilik óndirýshilerdiń aǵynyna alańdaýda.
"Nan 250 teńgeden qymbat bolady. Barlyq Keden odaǵyna qatysýshy elder arasyndaǵy saýda saiasatyn ajyratýdyń sheshilmegen máseleleri bizdegi osy ónimderdiń baǵasynda úlken alypsatarlyqtyń paida bolýyna alyp keledi. Sondyqtan nan baǵasy qymbattaitynyna tań qalmańyz", - dedi ekonomist Aiman Tursynqan.
Astyq óńdeýshiler men un tartqysh mamandar nan baǵasynyń ósýine olardyń istegen jumystarynyń qatysy joq ekenin aitady. Basty sebep eksport. Qazir shetelge daiyn ónim emes, shikizat satylyp jatyr. Sonyń saldarynan elde óńdep shyǵaratyn shikizat qory azaiǵan.
"2022 jyldyń shildesine Qazaqstanda 2300 un tartý kompaniiasynyń 174-i ǵana qalǵan. Olardyń ózi tek óz baǵasyna jumys isteidi, kiris tek eki paiyzdy quraidy"- dedi un tartý kásipornynyń direktory Dos-Muqasan Táýkebaev.
QR Aýyl sharýashylyǵy ministrligi Resei men Ýkrainadaǵy jaǵdaiǵa bailanysty álemde bizdiń unǵa suranystyń artqanyn rastaidy.
“Bul faktorlar qazaqstandyq un men bidaidyń kóp óndirilýine áser etti. Statistika boiynsha 2022 jyldyń qańtar-naýryz ailarynda olardyń eksporty 2,025 million tonnany quraǵan. Bul aldyńǵy jylmen salystyrǵanda 1,6 paiyzǵa kóp. Aǵymdaǵy jyldyń 8shildedegi málimeti boiynsha eksport 3,035 million tonnaǵa jetti”,-dedi Aýyl sharýashylyǵy ministrligi.
