QR Aqparat jáne qoǵamdyq damý ministri Dáýren Abaev koronavirýspen kúreske qarajat bólgen metsenattar týraly pikir bildirdi, dep habarlaidy "Ult aqparat".
«Keshe Elbasy sheshimimen QR Tuńǵysh Prezidenti qory koronavirýspen kúreske 200 mln teńge bóldi. Bul ǵibratty biraz adamnyń jalǵastyraryna senimdimin. Buǵan deiin BI Group kompaniiasy dárigerler men meditsinalyq qyzmetkerlerge 100 mln teńge bólgen edi. Kaspi Bank, Halyq bank, Qazaqtelekom syndy kompaniialar koronavirýs infektsiiasymen jáne onyń saldarymen kúresýge kómektesip jatyr», - dedi ministr «Habar» telearnasyndaǵy «Ashyq dialog» baǵdarlamasynda.
Vedomstvo basshysy osyndai mysaldardyń, qýanyshqa orai, kóp ekenin atap ótti.
«Bul qadamdar bizdiń kóptegen kásipkerlerimizdiń oqiǵaǵa nemquraily qaramaitynyn kórsetedi. Buǵan deiin taýar baǵasyn qymbattatyp jibergen alypsatarlar týraly aityp edim, dál osyndai ýaqytta naǵyz biznesmen-kásipkerler men alypsatarlardyń ara-jigi aiqyn kórinedi», - dedi Dáýren Abaev.
