QR Premer-Ministri A. Maminniń tóraǵalyǵymen ótken Úkimet otyrysynda QR ulttyq ekonomika ministri R. Dálenov, QR densaýlyq saqtaý ministri E. Birtanov, QR bilim jáne ǵylym ministri A. Aimaǵambetov, QR indýstriia jáne infraqurylymdyq damý ministri B. Atamqulov memlekettik-jekeshelik áriptestikti damytý máseleleri týraly baiandady, dep habarlaidy "Ult aqparat" primeminister.kz saityna silteme jasap.
QR ulttyq ekonomika ministri R. Dálenov Qazaqstanda memlekettik-jekeshelik áriptestikti damytý boiynsha atqarylyp jatqan jumystar týraly baiandady.
«1 qazandaǵy jaǵdai boiynsha MJÁ jobalarynyń jalpy sany – 1 253, somasy – 3,5 trln teńge. Onyń ishinde 1,6 trln teńgege 615 kelisimshart jasaldy. 1,9 trln teńge somasyndaǵy 638 joba daiyndyq satysynda», — dedi R. Dálenov.
QR UEM basshysy atap ótkendei, kóptegen jobalar bilim berý, densaýlyq saqtaý, mádeniet jáne sport, energetika jáne turǵyn úi-kommýnaldyq sharýashylyǵy salalaryna tiesili.
Kóp qarajatty qajet etetin jobalar kólik jáne infraqurylym, energetika jáne turǵyn úi-kommýnaldyq sharýashylyǵy, bilim berý, mádeniet jáne sport salasynda.
Biylǵy mamyrda sannan sapaǵa kóshý maqsatynda MJÁ jobalaryn sanattarǵa bólý engizildi. MJÁ jobalary biýdjetten óteý boiynsha shartty túrde 3 sanatqa bólindi:
I sanat – jeke áriptestiń investitsiialary men operatsiialyq shyǵyndaryn biýdjetten tolyqtai óteý.
II sanat – biýdjet esebinen investitsiialardy ishinara óteý.
III sanat – biýdjetten óteýsiz. Óteý negizinen naryq esebinen oryndalady.
Ulttyq ekonomika ministrliginiń basshysy Ministrlik qabyldaǵan jergilikti jerdegi jobalardyń sapasyn úilestirý men baqylaý sharalaryna nazar aýdardy. Bular:
-
JAO óteý limitteri;
-
josparlanǵan jobalardy monitoringileý;
-
jobalardaǵy marjany baqylaý;
-
jasalǵan jáne josparlanǵan jobalardyń qoljetimdiligi men aiqyndyǵy.
Ministrliktiń derekteri boiynsha, MJÁ jobalaryna jeke investitsiia tartýǵa qolaily jaǵdai týǵyzý úshin mynadai jańa sharalar usynylady:
1. MJÁ «biryńǵai terezesi»;
2. «Pakettik sheshimder»;
3. «Qaitarymdy» MJÁ;
4. MJÁ protsesterin tsifrlandyrý.
Ekonomikalyq vedomstvo osy jańalyqtardy iske asyrý úshin zań jobasynyń tujyrymdamasyn jasap, zańnamalyq túzetýler jobasyn daiyndaýda.
Búgingi kúni MJÁ ortalyǵy bazasynda MJÁ jobalary boiynsha «bir tereze» quryldy. «Bir tereze» ofisiniń mindeti – investorlarmen ózara is-qimyl, MJÁ jobalary boiynsha aqparattyq-konsýltatsiialyq súiemeldeý, sondai-aq MJÁ jáne kontsessiia salasyndaǵy zańnama normalaryn túsindirý.
Qazirgi ýaqytta MJÁ ortalyǵynyń saitynda investorlar úshin jobalar bazasy jáne MJÁ men kontsessiialar jónindegi zańnamalarǵa siltemeler ornalastyrylǵan «Bir tereze» jeke qoiyndysy jumys isteýde. Investorlar josparlanyp jatqan bolsyn, iske asyrylyp jatqan jobalar bolsyn, ózderin qyzyqtyrǵan kez kelgen aqparatty óz betinshe ala alady.
«MJÁ-ni odan ári jetildirý maqsatynda barlyq rásimderdi elektrondyq formatqa kóshirý usynylyp otyr. MJÁ sharttaryn josparlaý, tenderlik rásimdeý, ázirleý, tirkeý men oryndaý úderisi tsifrlandyrý maqsatynda elektrondyq formatqa kóshiriledi. Bul jumystardy memlekettik tapsyrystar portalymen biriktirý kózdelýde», — dep túiindedi ulttyq ekonomika ministri.
QR densaýlyq saqtaý ministri E. Birtanov 2016-2019 jyldar aralyǵynda densaýlyq saqtaý salasyna salynǵan investitsiialar jyldyq ortasha 31% ósýmen eki eseden astam ósti. Bul rette jeke investitsiialardyń ortasha jyldyq ósýi 33%-dy qurady.
Jergilikti atqarýshy organdar densaýlyq saqtaý salasynda 58,9 mlrd teńge somasyna 127 MJÁ kelisimshartyn jasady.
Qol qoiylǵa MJÁ kelisimsharttary aiasynda tartylǵan investitsiialar somasy boiynsha Shymkent jáne Nur-Sultan qalalarynyń jáne Aqtóbe oblysynyń ákimdikteri jetekshi oryndarda.
Densaýlyq saqtaý salasynda óńirlerde Nur-Sultan qalasynda tomoterapiia ortalyǵy men kóp salaly aýrýhanany, Aqtóbede oftalmologiialyq ortalyqty qurý, gemodializ ortalyqtaryn ashý, gemokorrektsiia ortalyǵy, klinikalyq-diagnostikalyq qyzmetter usyný boiynsha MJÁ jobalary iske asyryldy.
Úsh ońaltý ortalyǵy ashyldy, sonyń ishinde bireýi balalarǵa arnalǵan, Shymkentte, Qaraǵandyda jáne Nur-Sultanda úsh emhana salyndy.
Densaýlyq saqtaý ministrligi salanyń 2025 jylǵa deiingi qajettilikterin eskere otyryp, MJÁ aiasynda 19 myń jumys ornyn qurýmen, 838,5 mlrd teńgege respýblikalyq deńgeide 16 iri aýrýhana salýdy josparlady.
Búgingi tańda Túrkistan jáne Nur-Sultan qalalarynda jalpy investitsiialar kólemimen jeti MJÁ jobasyn iske asyrý, Nur-Sultan qalasynda «DARU» ońaltý ortalyǵyn jáne Almaty jáne Qaraǵandy qalalarynda úsh ýniversitettik klinika salý jumystary bastalǵan. Áleýetti investorlar bar jáne jeke qarjylyq bastamaǵa daiyndyq jumystary júrgizilýde.
Buǵan qosa, ministrlik shamamen 400 mlrd tg investitsiia turatyn ekinshi pýldyń 9 jobasyn pysyqtaýdy bastady.
QR bilim jáne ǵylym ministri A. Aimaǵambetov, óz kezeginde, búgingi tańda bilim berý salasynda 558 joba iske asyrylyp jatqanyn aitty.
«Onyń 332-si standartty MJÁ mehanizmy boiynsha jáne 226-si MJÁ qaǵidaty boiynsha iske asyrylyp jatyr, bul jekemenshik mektepter ashý men jataqhanalardy paidalanýǵa berý jobalary. Tartylǵan investitsiialardyń jalpy somasy 243 mlrd teńgeni quraidy», — dedi bilim jáne ǵylym ministri.
MJÁ jobalary málimetteriniń qorjyny ár túrli. Olardyń basym kópshiligi mektepke deiingi salada usynylǵan. 70 joba mektep ashanalaryn basqarýǵa berýdi, 26 joba kolledjderdi senimdi basqarýǵa berýdi jáne 14 joba sport zal salýdy, kompiýterlik tehnikany jetkizý jáne qyzmet kórsetýdi kózdeidi.
Kósh bastap turǵan óńirler: Shyǵys Qazaqstan, Aqmola, Soltústik Qazaqstan, Qostanai oblystary jáne Almaty qalasy.
Jeke kásipkerlerdi mektep qurylysyna tartý nátijesinde elimizde biyldyń ózinde 47 jańa jeke mektep ashyldy. Jyl sońyna deiin taǵy 13 mektep ashylady dep josparlanǵan. Tek aǵymdaǵy jyly jeke menshik mektepter sany 121 birlikten 181-ge deiin ósedi, iaǵni 50% ósim. Sonyń nátijesinde 18 myńnan astam oqýshy orny ashylýda. Sonymen qatar, jumys istep turǵan jeke menshik mektepter 45%-ǵa tolyqtyryldy.
MJÁ tetigi stýdentter jataqhanalaryn salýda sátti qoldanylýda.
«Bastama bastaý alǵan ýaqyttan beri 5 149 oryn paidalanýǵa berildi jáne jyl sońyna deiin taǵy 4 050 oryn jataqhanalarda paidalanýǵa beriledi. 28 myń orynǵa arnalǵan 70 joba boiynsha jumys istelýde», — dedi A. Aimaǵambetov.
Indýstriia jáne infraqurylymdyq damý ministri B. Atamqulov qazirgi ýaqytta QR IIDM jetekshilik etetin salalarda memlekettik-jekeshelik seriktestik tetikteri aiasynda 36 joba iske asyrylý jáne pysyqtaý satysynda turǵanyn, onyń ishinde 9-y – respýblikalyq jáne 27-si – óńirlik joba ekenin atap ótti. Jobalardyń jalpv somasy — 2 011,8 mlrd teńge.
«Úlken Almaty ainalma avtokólik joly (ÚAAAJ)» avtokólik jolyn salý jáne paidalanýǵa berý» jobasy boiynsha
Kontsessioner qurylys-montaj jumystaryn óz qarajaty esebinen júrgizip jatyr. 14 qazanda EQQDB Direktorlarynyń keńesi jobany qarjylandyrýdy maquldady, osy jyldyń sońyna deiin kontsessioner qarjylyq jabylýdy qamtamasyz etedi. 2021 jyly qozǵalys ashylady.
«Almaty – Qorǵas» avtojol ýchaskesinde (Batys Eýropa – Batys Qytai) «Nur joly» avtomobil ótkizý pýnktiniń infraqurylymyn qurý» jobasy boiynsha
Nysan 2018 jyldyń 22 maýsymynda paidalanýǵa berildi. Jeke seriktes tarapynan kelisimsharttyq mindettemeler tolyǵymen oryndalyp jatyr. Búgingi tańda kólik quraldaryn qaraý ýaqyty 4 esege jýyq qysqardy. Kúndelikti júk tasymaly trafigi 200 avtokólikti quraidy.
«Túrkistan oblysynyń jyldam júretin avtomobil joldaryn salý jáne paidalanýǵa berý» jobasy boiynsha
Joba aiasynda Shymkent jáne Saryaǵash ainalma joldarynyń qurylysy (150 km) jáne jalpy uzyndyǵy 265 km joldy paidalanýǵa berý kózdelgen. Jobanyń pysyqtalý deńgeii joǵary. ÚAAAJ jobasyn qarjylyq jabýǵa qol jetkizý nátijeleri boiynsha jobany iske asyrý tetigi týraly másele qaralady.
«Jol júrýge aqy alýdyń ashyq júiesi» jobasy boiynsha
Jobany iske asyrý 2020-2023 jyldary respýblikalyq mańyzy bar avtomobil joldarynyń 11 myń shaqyrymyna aqy tóleý júiesin engizýge múmkindik beredi.
Aǵymdaǵy jyldyń 1 shildesinde «QazAvtoJol» UK» AQ investitsiialyq konkýrs jariialady, osy jyldyń 28 qazanynda konkýrs ótinimderi ashylady. Kelisimshartty jasaý osy jyldyń jeltoqsan aiyna josparlanǵan.
«Almaty stantsiiasyn ainalyp ótetin uzyndyǵy 73,2 km temir jol jelisin salý» jobasy boiynsha
Qazirgi ýaqytta konkýrstyń birinshi kezeńiniń qorytyndysy shyǵaryldy. Biliktilik irikteýinen 2 Qazaqstan-Qytai konsortsiýmy ótti.
Sonymen qatar, jeke seriktesti anyqtaý boiynsha konkýrstyń ekinshi kezeńin ótkizýge konkýrstyq qujattama jasaldy.
Sonymen birge, qazirgi ýaqytta UEM-de konkýrstyq qujattamaǵa saraptama júrgizilýde.
Kelisimshartqa qol qoiý aǵymdaǵy jyldyń jeltoqsanyna josparlanǵan. Qurylys jumystary 2020-2022 jyldary júrgiziledi dep boljanǵan.
«Túrkistan q. áýejai salý» jobasy boiynsha
2019-2021 jyldary MJÁ mehanizmi boiynsha halyqaralyq áýejai men kirý jolyn salý qarastyrylǵan. (Áýejaidyń negizgi parametrleri: jasandy ushý-qoný jolaǵy: 3 300h45m., terminal aýdany – 10,5 myń m2, áýejaidyń ótkizý qabileti – saǵatyna keminde 450 jolaýshy).
«Áýe júkteri (e-Freight) tasymaly salasynda qaǵazsyz qujat ainalymy aqparattyq júiesin engizý jáne beiimdeý» jobasy boiynsha
Osy jyldyń naýryz aiynda aqparattyq júie testileý rejiminde Qazaqstan Respýblikasynyń barlyq áýejailarynda qazaqstandyq aviakompaniialardyń qatysýymen iske qosyldy. Qazirgi ýaqytta júiege SCAT, Air Astana, Turkish Airlines, Bek Air, Lufthansa, S7, Asia Freight aviakompaniialary qosylǵan. Sonymen qatar, Qarjy jáne Aýyl sharýashylyǵy ministrlikteriniń aqparattyq júielerimen integratsiialaý josparlanǵan. Osy jyldyń sońyna deiin ónerkásiptik paidalanýǵa berý aktisine qol qoiylady.
Turǵyn úi-kommýnaldyq sharýashylyq salasynda óńirlerde energiia únemdeý jáne jylýmen qamtamasyz etý salasynda 26 joba iske asyrylý jáne pysyqtalý satysynda.
Energiiany únemdeý salasyndaǵy 23 joba Pavlodar, Atyraý, Almaty, Qyzylorda, Qostanai, Túrkistan jáne Soltústik Qazaqstan oblystarynda jáne Almaty qalasynda júzege asyrylýda.
Jylýmen jabdyqtaý salasyndaǵy 3 joba Almaty, Aqmola jáne Shyǵys Qazaqstan oblystarynda júzege asyrylýda.
Premer-Ministrdiń birinshi orynbasary – qarjy ministri Á. Smaiylov bul baǵyttaǵy jumystar JIÓ-niń 30% deńgeiine jetý úshin nysanaly indikatorlarǵa qol jetkizýdi qamtamasyz etý úshin jandandyrylatynyn atap ótti. Jobalardyń tizimi anyqtaldy, olardyń iske asyrylý barysy qadaǵalanady.
