قر پرەمەر-مينيسترٸ ا. ماميننٸڭ تٶراعالىعىمەن ٶتكەن ٷكٸمەت وتىرىسىندا قر ۇلتتىق ەكونوميكا مينيسترٸ ر. دەلەنوۆ, قر دەنساۋلىق ساقتاۋ مينيسترٸ ە. بٸرتانوۆ, قر بٸلٸم جەنە عىلىم مينيسترٸ ا. ايماعامبەتوۆ, قر يندۋسترييا جەنە ينفراقۇرىلىمدىق دامۋ مينيسترٸ ب. اتامقۇلوۆ مەملەكەتتٸك-جەكەشەلٸك ەرٸپتەستٸكتٸ دامىتۋ مەسەلەلەرٸ تۋرالى باياندادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
قر ۇلتتىق ەكونوميكا مينيسترٸ ر. دەلەنوۆ قازاقستاندا مەملەكەتتٸك-جەكەشەلٸك ەرٸپتەستٸكتٸ دامىتۋ بويىنشا اتقارىلىپ جاتقان جۇمىستار تۋرالى باياندادى.
«1 قازانداعى جاعداي بويىنشا مجە جوبالارىنىڭ جالپى سانى – 1 253, سوماسى – 3,5 ترلن تەڭگە. ونىڭ ٸشٸندە 1,6 ترلن تەڭگەگە 615 كەلٸسٸمشارت جاسالدى. 1,9 ترلن تەڭگە سوماسىنداعى 638 جوبا دايىندىق ساتىسىندا», — دەدٸ ر. دەلەنوۆ.
قر ۇەم باسشىسى اتاپ ٶتكەندەي, كٶپتەگەن جوبالار بٸلٸم بەرۋ, دەنساۋلىق ساقتاۋ, مەدەنيەت جەنە سپورت, ەنەرگەتيكا جەنە تۇرعىن ٷي-كوممۋنالدىق شارۋاشىلىعى سالالارىنا تيەسٸلٸ.
كٶپ قاراجاتتى قاجەت ەتەتٸن جوبالار كٶلٸك جەنە ينفراقۇرىلىم, ەنەرگەتيكا جەنە تۇرعىن ٷي-كوممۋنالدىق شارۋاشىلىعى, بٸلٸم بەرۋ, مەدەنيەت جەنە سپورت سالاسىندا.
بيىلعى مامىردا ساننان ساپاعا كٶشۋ ماقساتىندا مجە جوبالارىن ساناتتارعا بٶلۋ ەنگٸزٸلدٸ. مجە جوبالارى بيۋدجەتتەن ٶتەۋ بويىنشا شارتتى تٷردە 3 ساناتقا بٶلٸندٸ:
I سانات – جەكە ەرٸپتەستٸڭ ينۆەستيتسييالارى مەن وپەراتسييالىق شىعىندارىن بيۋدجەتتەن تولىقتاي ٶتەۋ.
II سانات – بيۋدجەت ەسەبٸنەن ينۆەستيتسييالاردى ٸشٸنارا ٶتەۋ.
III سانات – بيۋدجەتتەن ٶتەۋسٸز. ٶتەۋ نەگٸزٸنەن نارىق ەسەبٸنەن ورىندالادى.
ۇلتتىق ەكونوميكا مينيسترلٸگٸنٸڭ باسشىسى مينيسترلٸك قابىلداعان جەرگٸلٸكتٸ جەردەگٸ جوبالاردىڭ ساپاسىن ٷيلەستٸرۋ مەن باقىلاۋ شارالارىنا نازار اۋداردى. بۇلار:
-
جاو ٶتەۋ ليميتتەرٸ;
-
جوسپارلانعان جوبالاردى مونيتورينگٸلەۋ;
-
جوبالارداعى مارجانى باقىلاۋ;
-
جاسالعان جەنە جوسپارلانعان جوبالاردىڭ قولجەتٸمدٸلٸگٸ مەن ايقىندىعى.
مينيسترلٸكتٸڭ دەرەكتەرٸ بويىنشا, مجە جوبالارىنا جەكە ينۆەستيتسييا تارتۋعا قولايلى جاعداي تۋعىزۋ ٷشٸن مىناداي جاڭا شارالار ۇسىنىلادى:
1. مجە «بٸرىڭعاي تەرەزەسٸ»;
2. «پاكەتتٸك شەشٸمدەر»;
3. «قايتارىمدى» مجە;
4. مجە پروتسەستەرٸن تسيفرلاندىرۋ.
ەكونوميكالىق ۆەدومستۆو وسى جاڭالىقتاردى ٸسكە اسىرۋ ٷشٸن زاڭ جوباسىنىڭ تۇجىرىمداماسىن جاساپ, زاڭنامالىق تٷزەتۋلەر جوباسىن دايىنداۋدا.
بٷگٸنگٸ كٷنٸ مجە ورتالىعى بازاسىندا مجە جوبالارى بويىنشا «بٸر تەرەزە» قۇرىلدى. «بٸر تەرەزە» وفيسٸنٸڭ مٸندەتٸ – ينۆەستورلارمەن ٶزارا ٸس-قيمىل, مجە جوبالارى بويىنشا اقپاراتتىق-كونسۋلتاتسييالىق سٷيەمەلدەۋ, سونداي-اق مجە جەنە كونتسەسسييا سالاسىنداعى زاڭناما نورمالارىن تٷسٸندٸرۋ.
قازٸرگٸ ۋاقىتتا مجە ورتالىعىنىڭ سايتىندا ينۆەستورلار ٷشٸن جوبالار بازاسى جەنە مجە مەن كونتسەسسييالار جٶنٸندەگٸ زاڭنامالارعا سٸلتەمەلەر ورنالاستىرىلعان «بٸر تەرەزە» جەكە قويىندىسى جۇمىس ٸستەۋدە. ينۆەستورلار جوسپارلانىپ جاتقان بولسىن, ٸسكە اسىرىلىپ جاتقان جوبالار بولسىن, ٶزدەرٸن قىزىقتىرعان كەز كەلگەن اقپاراتتى ٶز بەتٸنشە الا الادى.
«مجە-نٸ ودان ەرٸ جەتٸلدٸرۋ ماقساتىندا بارلىق رەسٸمدەردٸ ەلەكتروندىق فورماتقا كٶشٸرۋ ۇسىنىلىپ وتىر. مجە شارتتارىن جوسپارلاۋ, تەندەرلٸك رەسٸمدەۋ, ەزٸرلەۋ, تٸركەۋ مەن ورىنداۋ ٷدەرٸسٸ تسيفرلاندىرۋ ماقساتىندا ەلەكتروندىق فورماتقا كٶشٸرٸلەدٸ. بۇل جۇمىستاردى مەملەكەتتٸك تاپسىرىستار پورتالىمەن بٸرٸكتٸرۋ كٶزدەلۋدە», — دەپ تٷيٸندەدٸ ۇلتتىق ەكونوميكا مينيسترٸ.
قر دەنساۋلىق ساقتاۋ مينيسترٸ ە. بٸرتانوۆ 2016-2019 جىلدار ارالىعىندا دەنساۋلىق ساقتاۋ سالاسىنا سالىنعان ينۆەستيتسييالار جىلدىق ورتاشا 31% ٶسۋمەن ەكٸ ەسەدەن استام ٶستٸ. بۇل رەتتە جەكە ينۆەستيتسييالاردىڭ ورتاشا جىلدىق ٶسۋٸ 33%-دى قۇرادى.
جەرگٸلٸكتٸ اتقارۋشى ورگاندار دەنساۋلىق ساقتاۋ سالاسىندا 58,9 ملرد تەڭگە سوماسىنا 127 مجە كەلٸسٸمشارتىن جاسادى.
قول قويىلعا مجە كەلٸسٸمشارتتارى اياسىندا تارتىلعان ينۆەستيتسييالار سوماسى بويىنشا شىمكەنت جەنە نۇر-سۇلتان قالالارىنىڭ جەنە اقتٶبە وبلىسىنىڭ ەكٸمدٸكتەرٸ جەتەكشٸ ورىنداردا.
دەنساۋلىق ساقتاۋ سالاسىندا ٶڭٸرلەردە نۇر-سۇلتان قالاسىندا توموتەراپييا ورتالىعى مەن كٶپ سالالى اۋرۋحانانى, اقتٶبەدە وفتالمولوگييالىق ورتالىقتى قۇرۋ, گەمودياليز ورتالىقتارىن اشۋ, گەموكوررەكتسييا ورتالىعى, كلينيكالىق-دياگنوستيكالىق قىزمەتتەر ۇسىنۋ بويىنشا مجە جوبالارى ٸسكە اسىرىلدى.
ٷش وڭالتۋ ورتالىعى اشىلدى, سونىڭ ٸشٸندە بٸرەۋٸ بالالارعا ارنالعان, شىمكەنتتە, قاراعاندىدا جەنە نۇر-سۇلتاندا ٷش ەمحانا سالىندى.
دەنساۋلىق ساقتاۋ مينيسترلٸگٸ سالانىڭ 2025 جىلعا دەيٸنگٸ قاجەتتٸلٸكتەرٸن ەسكەرە وتىرىپ, مجە اياسىندا 19 مىڭ جۇمىس ورنىن قۇرۋمەن, 838,5 ملرد تەڭگەگە رەسپۋبليكالىق دەڭگەيدە 16 ٸرٸ اۋرۋحانا سالۋدى جوسپارلادى.
بٷگٸنگٸ تاڭدا تٷركٸستان جەنە نۇر-سۇلتان قالالارىندا جالپى ينۆەستيتسييالار كٶلەمٸمەن جەتٸ مجە جوباسىن ٸسكە اسىرۋ, نۇر-سۇلتان قالاسىندا «DARU» وڭالتۋ ورتالىعىن جەنە الماتى جەنە قاراعاندى قالالارىندا ٷش ۋنيۆەرسيتەتتٸك كلينيكا سالۋ جۇمىستارى باستالعان. ەلەۋەتتٸ ينۆەستورلار بار جەنە جەكە قارجىلىق باستاماعا دايىندىق جۇمىستارى جٷرگٸزٸلۋدە.
بۇعان قوسا, مينيسترلٸك شامامەن 400 ملرد تگ ينۆەستيتسييا تۇراتىن ەكٸنشٸ پۋلدىڭ 9 جوباسىن پىسىقتاۋدى باستادى.
قر بٸلٸم جەنە عىلىم مينيسترٸ ا. ايماعامبەتوۆ, ٶز كەزەگٸندە, بٷگٸنگٸ تاڭدا بٸلٸم بەرۋ سالاسىندا 558 جوبا ٸسكە اسىرىلىپ جاتقانىن ايتتى.
«ونىڭ 332-سٸ ستاندارتتى مجە مەحانيزمى بويىنشا جەنە 226-سٸ مجە قاعيداتى بويىنشا ٸسكە اسىرىلىپ جاتىر, بۇل جەكەمەنشٸك مەكتەپتەر اشۋ مەن جاتاقحانالاردى پايدالانۋعا بەرۋ جوبالارى. تارتىلعان ينۆەستيتسييالاردىڭ جالپى سوماسى 243 ملرد تەڭگەنٸ قۇرايدى», — دەدٸ بٸلٸم جەنە عىلىم مينيسترٸ.
مجە جوبالارى مەلٸمەتتەرٸنٸڭ قورجىنى ەر تٷرلٸ. ولاردىڭ باسىم كٶپشٸلٸگٸ مەكتەپكە دەيٸنگٸ سالادا ۇسىنىلعان. 70 جوبا مەكتەپ اسحانالارىن باسقارۋعا بەرۋدٸ, 26 جوبا كوللەدجدەردٸ سەنٸمدٸ باسقارۋعا بەرۋدٸ جەنە 14 جوبا سپورت زال سالۋدى, كومپيۋتەرلٸك تەحنيكانى جەتكٸزۋ جەنە قىزمەت كٶرسەتۋدٸ كٶزدەيدٸ.
كٶش باستاپ تۇرعان ٶڭٸرلەر: شىعىس قازاقستان, اقمولا, سولتٷستٸك قازاقستان, قوستاناي وبلىستارى جەنە الماتى قالاسى.
جەكە كەسٸپكەرلەردٸ مەكتەپ قۇرىلىسىنا تارتۋ نەتيجەسٸندە ەلٸمٸزدە بيىلدىڭ ٶزٸندە 47 جاڭا جەكە مەكتەپ اشىلدى. جىل سوڭىنا دەيٸن تاعى 13 مەكتەپ اشىلادى دەپ جوسپارلانعان. تەك اعىمداعى جىلى جەكە مەنشٸك مەكتەپتەر سانى 121 بٸرلٸكتەن 181-گە دەيٸن ٶسەدٸ, ياعني 50% ٶسٸم. سونىڭ نەتيجەسٸندە 18 مىڭنان استام وقۋشى ورنى اشىلۋدا. سونىمەن قاتار, جۇمىس ٸستەپ تۇرعان جەكە مەنشٸك مەكتەپتەر 45%-عا تولىقتىرىلدى.
مجە تەتٸگٸ ستۋدەنتتەر جاتاقحانالارىن سالۋدا سەتتٸ قولدانىلۋدا.
«باستاما باستاۋ العان ۋاقىتتان بەرٸ 5 149 ورىن پايدالانۋعا بەرٸلدٸ جەنە جىل سوڭىنا دەيٸن تاعى 4 050 ورىن جاتاقحانالاردا پايدالانۋعا بەرٸلەدٸ. 28 مىڭ ورىنعا ارنالعان 70 جوبا بويىنشا جۇمىس ٸستەلۋدە», — دەدٸ ا. ايماعامبەتوۆ.
يندۋسترييا جەنە ينفراقۇرىلىمدىق دامۋ مينيسترٸ ب. اتامقۇلوۆ قازٸرگٸ ۋاقىتتا قر ييدم جەتەكشٸلٸك ەتەتٸن سالالاردا مەملەكەتتٸك-جەكەشەلٸك سەرٸكتەستٸك تەتٸكتەرٸ اياسىندا 36 جوبا ٸسكە اسىرىلۋ جەنە پىسىقتاۋ ساتىسىندا تۇرعانىن, ونىڭ ٸشٸندە 9-ى – رەسپۋبليكالىق جەنە 27-سٸ – ٶڭٸرلٸك جوبا ەكەنٸن اتاپ ٶتتٸ. جوبالاردىڭ جالپۆ سوماسى — 2 011,8 ملرد تەڭگە.
«ٷلكەن الماتى اينالما اۆتوكٶلٸك جولى (ٷاااج)» اۆتوكٶلٸك جولىن سالۋ جەنە پايدالانۋعا بەرۋ» جوباسى بويىنشا
كونتسەسسيونەر قۇرىلىس-مونتاج جۇمىستارىن ٶز قاراجاتى ەسەبٸنەن جٷرگٸزٸپ جاتىر. 14 قازاندا ەققدب ديرەكتورلارىنىڭ كەڭەسٸ جوبانى قارجىلاندىرۋدى ماقۇلدادى, وسى جىلدىڭ سوڭىنا دەيٸن كونتسەسسيونەر قارجىلىق جابىلۋدى قامتاماسىز ەتەدٸ. 2021 جىلى قوزعالىس اشىلادى.
«الماتى – قورعاس» اۆتوجول ۋچاسكەسٸندە (باتىس ەۋروپا – باتىس قىتاي) «نۇر جولى» اۆتوموبيل ٶتكٸزۋ پۋنكتٸنٸڭ ينفراقۇرىلىمىن قۇرۋ» جوباسى بويىنشا
نىسان 2018 جىلدىڭ 22 ماۋسىمىندا پايدالانۋعا بەرٸلدٸ. جەكە سەرٸكتەس تاراپىنان كەلٸسٸمشارتتىق مٸندەتتەمەلەر تولىعىمەن ورىندالىپ جاتىر. بٷگٸنگٸ تاڭدا كٶلٸك قۇرالدارىن قاراۋ ۋاقىتى 4 ەسەگە جۋىق قىسقاردى. كٷندەلٸكتٸ جٷك تاسىمالى ترافيگٸ 200 اۆتوكٶلٸكتٸ قۇرايدى.
«تٷركٸستان وبلىسىنىڭ جىلدام جٷرەتٸن اۆتوموبيل جولدارىن سالۋ جەنە پايدالانۋعا بەرۋ» جوباسى بويىنشا
جوبا اياسىندا شىمكەنت جەنە سارىاعاش اينالما جولدارىنىڭ قۇرىلىسى (150 كم) جەنە جالپى ۇزىندىعى 265 كم جولدى پايدالانۋعا بەرۋ كٶزدەلگەن. جوبانىڭ پىسىقتالۋ دەڭگەيٸ جوعارى. ٷاااج جوباسىن قارجىلىق جابۋعا قول جەتكٸزۋ نەتيجەلەرٸ بويىنشا جوبانى ٸسكە اسىرۋ تەتٸگٸ تۋرالى مەسەلە قارالادى.
«جول جٷرۋگە اقى الۋدىڭ اشىق جٷيەسٸ» جوباسى بويىنشا
جوبانى ٸسكە اسىرۋ 2020-2023 جىلدارى رەسپۋبليكالىق ماڭىزى بار اۆتوموبيل جولدارىنىڭ 11 مىڭ شاقىرىمىنا اقى تٶلەۋ جٷيەسٸن ەنگٸزۋگە مٷمكٸندٸك بەرەدٸ.
اعىمداعى جىلدىڭ 1 شٸلدەسٸندە «قازاۆتوجول» ۇك» اق ينۆەستيتسييالىق كونكۋرس جارييالادى, وسى جىلدىڭ 28 قازانىندا كونكۋرس ٶتٸنٸمدەرٸ اشىلادى. كەلٸسٸمشارتتى جاساۋ وسى جىلدىڭ جەلتوقسان ايىنا جوسپارلانعان.
«الماتى ستانتسيياسىن اينالىپ ٶتەتٸن ۇزىندىعى 73,2 كم تەمٸر جول جەلٸسٸن سالۋ» جوباسى بويىنشا
قازٸرگٸ ۋاقىتتا كونكۋرستىڭ بٸرٸنشٸ كەزەڭٸنٸڭ قورىتىندىسى شىعارىلدى. بٸلٸكتٸلٸك ٸرٸكتەۋٸنەن 2 قازاقستان-قىتاي كونسورتسيۋمى ٶتتٸ.
سونىمەن قاتار, جەكە سەرٸكتەستٸ انىقتاۋ بويىنشا كونكۋرستىڭ ەكٸنشٸ كەزەڭٸن ٶتكٸزۋگە كونكۋرستىق قۇجاتتاما جاسالدى.
سونىمەن بٸرگە, قازٸرگٸ ۋاقىتتا ۇەم-دە كونكۋرستىق قۇجاتتاماعا ساراپتاما جٷرگٸزٸلۋدە.
كەلٸسٸمشارتقا قول قويۋ اعىمداعى جىلدىڭ جەلتوقسانىنا جوسپارلانعان. قۇرىلىس جۇمىستارى 2020-2022 جىلدارى جٷرگٸزٸلەدٸ دەپ بولجانعان.
«تٷركٸستان ق. ەۋەجاي سالۋ» جوباسى بويىنشا
2019-2021 جىلدارى مجە مەحانيزمٸ بويىنشا حالىقارالىق ەۋەجاي مەن كٸرۋ جولىن سالۋ قاراستىرىلعان. (ەۋەجايدىڭ نەگٸزگٸ پارامەترلەرٸ: جاساندى ۇشۋ-قونۋ جولاعى: 3 300ح45م., تەرمينال اۋدانى – 10,5 مىڭ م2, ەۋەجايدىڭ ٶتكٸزۋ قابٸلەتٸ – ساعاتىنا كەمٸندە 450 جولاۋشى).
«ەۋە جٷكتەرٸ (e-Freight) تاسىمالى سالاسىندا قاعازسىز قۇجات اينالىمى اقپاراتتىق جٷيەسٸن ەنگٸزۋ جەنە بەيٸمدەۋ» جوباسى بويىنشا
وسى جىلدىڭ ناۋرىز ايىندا اقپاراتتىق جٷيە تەستٸلەۋ رەجيمٸندە قازاقستان رەسپۋبليكاسىنىڭ بارلىق ەۋەجايلارىندا قازاقستاندىق اۆياكومپانييالاردىڭ قاتىسۋىمەن ٸسكە قوسىلدى. قازٸرگٸ ۋاقىتتا جٷيەگە SCAT, Air Astana, Turkish Airlines, Bek Air, Lufthansa, S7, Asia Freight اۆياكومپانييالارى قوسىلعان. سونىمەن قاتار, قارجى جەنە اۋىل شارۋاشىلىعى مينيسترلٸكتەرٸنٸڭ اقپاراتتىق جٷيەلەرٸمەن ينتەگراتسييالاۋ جوسپارلانعان. وسى جىلدىڭ سوڭىنا دەيٸن ٶنەركەسٸپتٸك پايدالانۋعا بەرۋ اكتٸسٸنە قول قويىلادى.
تۇرعىن ٷي-كوممۋنالدىق شارۋاشىلىق سالاسىندا ٶڭٸرلەردە ەنەرگييا ٷنەمدەۋ جەنە جىلۋمەن قامتاماسىز ەتۋ سالاسىندا 26 جوبا ٸسكە اسىرىلۋ جەنە پىسىقتالۋ ساتىسىندا.
ەنەرگييانى ٷنەمدەۋ سالاسىنداعى 23 جوبا پاۆلودار, اتىراۋ, الماتى, قىزىلوردا, قوستاناي, تٷركٸستان جەنە سولتٷستٸك قازاقستان وبلىستارىندا جەنە الماتى قالاسىندا جٷزەگە اسىرىلۋدا.
جىلۋمەن جابدىقتاۋ سالاسىنداعى 3 جوبا الماتى, اقمولا جەنە شىعىس قازاقستان وبلىستارىندا جٷزەگە اسىرىلۋدا.
پرەمەر-مينيستردٸڭ بٸرٸنشٸ ورىنباسارى – قارجى مينيسترٸ ە. سمايىلوۆ بۇل باعىتتاعى جۇمىستار جٸٶ-نٸڭ 30% دەڭگەيٸنە جەتۋ ٷشٸن نىسانالى ينديكاتورلارعا قول جەتكٸزۋدٸ قامتاماسىز ەتۋ ٷشٸن جانداندىرىلاتىنىن اتاپ ٶتتٸ. جوبالاردىڭ تٸزٸمٸ انىقتالدى, ولاردىڭ ٸسكە اسىرىلۋ بارىسى قاداعالانادى.
