Germaniiada ótken Digital Life Design (DLD) eýropalyq innovatsiialyq konferentsiiasyna qatysýshylar Dimash Qudaibergenniń kórsetken ónerinen keiin oryndarynan turyp, uzaǵynan dý qol shapalaq soqty, dep habarlaidy QazAqparat dimashnews.com saityna silteme jasap.
DLD – álemdi tsifrlandyrýǵa óz úlesterin qosýǵa tyrysatyn adamdar úshin qurylǵan úlken halyqaralyq alań. Onda saiasat, ǵylym, mádeniet jáne óner salasyndaǵy tanymal vizionerler óz tájiribesimen bólisedi. Konferentsiiaǵa birneshe jyl boiy qatysyp kele jatqan spikerlerdiń arasynda Facebook negizin qalaýshy Mark Tsýkerberg, ánshi Ledi Gaga, Microsoft kompaniiasynyń bas direktory Satia Nadella, Twitter-diń negizin qalaýshy Djek Dorsi, iPhone ónertapqyshy Toni Fadell jáne basqalar bar.
Sondai-aq sharaǵa tanymal mýzykalyq oryndaýshylar shaqyrylady. Mobilium Global kompaniiasynyń bas direktory Ralf Saimon bul jolǵy konferentsiiaǵa Qazaqstan ánshisi Dimash Qudaibergendi shaqyrýdy usynǵan.
Osylaisha, biyl DLD-diń basty sahnasynda alǵash ret qazaq halyq aspaptary shyrqaldy. Dimash Oljas Qurmanbektiń qobyzben súiemeldeýimen «S. O. S» jáne «Stranger» ánderin oryndady.
«Dimashtyń óner kórsetýi aiaqtalǵannan keiin kórermender oryndarynan atyp turyp, dý qol shapalaq urdy. Bul Qazaqstan ártisteriniń DLD sahnasynda alǵash óner kórsetýi boldy», – dep bólisti Ralf Saimon.
Sondai-aq Mobilium Global bas direktory jurtshylyq dombyra men qobyzdyń tańǵajaiyp únine qairan qalǵanyn atap ótti.
«Meniń oiymsha, bul Dimashtyń naǵyz triýmfy boldy. Aitpaqshy, muny Germaniianyń kontsertterdiń tanymal promoýteri de aityp ótti. Ol onyń (Dimashtyń – red.) ónerin tamashalaý úshin Berlinnen Miýnhenge arnaiy ushyp keldi», - dedi ol.
