Mysyrda jańa jádigerler, eki jarym myń jyldan astam ýaqyt saqtalǵan júzden astam sarkofag, jerleý oryndary men ondaǵan músin tabyldy.
Ǵalymdar tereńdigi shamamen 12 metr bolatyn úsh jerleý qudyǵyn ashty. Artefaktiler óte jaqsy saqtalǵan, dep habarlaidy Euronews.
Ǵalymdar bul jerde jergilikti aǵashtan jasalǵan sarkofagty shyǵaratyn úlken sheberhana bolǵan dep boljap otyr. Eger ol tabylsa, egipetologiia tarihyndaǵy eń iri jáne qundy jádigerlerdiń qataryna kirýi múmkin.
Mamandar Piramidalardan ońtústikke qarai 16 km jerde ornalasqan Sakkaranyń alyp qorymynda birneshe ai boiy júrgizip jatqan qazba jumystaryn toqtatqan joq. Ol jerge jaqyn mańda osy órkeniettiń gúldenýi kezinde Ejelgi Egipettiń astanasy bolǵan Memfis ornalasqan.
Ǵalymdardyń aitýynsha, ázirge Sakkarada jasyrynyp jatýy múkin artefaktilerdiń tek bir paiyzy ǵana tabylǵan.
