Búgin Mysyrdaǵy kóne jádigerler ministrligindegiler kútpegen ári erekshe zattyń tabylǵanyn málimdedi. Mysyrdyń joǵarǵy jaǵynda ornalasqan tarihi Lýksor qalasynda ejelgi koroldik mazar tabyldy, - dep jazady inforeactor.ru basylymy MENA resmi aqparattyq agenttigine silteme jasap.
"Ejelgi mysyr faraony Týtmos III mazary tabyldy", - dedi Mysyrdaǵy ejelgi qundylyqtar departamentiniń basshysy Mahmud Afifi.
Alynǵan málimetter boiynsha, arheologtar mazarmen qosa mýmiiany taýyp alǵan. Ol nashar saqtalǵan eken. Alǵashqy zertteýler tabylǵan tabyttyń ishinde patshanyń malaiy jerlengenin kórsetti. Sondai-aq, bul qabirdiń úshinshi kezeńdegi faraondarǵa qatysy bolýy múmkin ekeni, iaǵni, bizdiń zamanymyzǵa deiin shamamen 1000 jyl burynǵy qabir ekeni aitylady.
"Biz materialdyń barlyǵyn muqiiat zertteitin bolamyz", - dedi Afifi.
Sondai-aq, mazardyń ishinde kóptegen túrli-tústi áshekei zattar men ejelgi Mysyrdyń simvoly retindegi dini mazmundaǵy zattar bolǵan.
