Asqar Myrzahmetov Jambyl oblysynyń ákimi laýazymynan bosatyldy. Bul týraly Aqordanyń baspasóz qyzmeti habarlady.
«Memleket basshysynyń Jarlyǵymen berilgen ótinishine orai Asqar Isabekuly Myrzahmetov Jambyl oblysynyń ákimi qyzmetinen bosatyldy», - delingen habarlamada.
Asqar Isabekuly Myrzahmetov 1962 jyly 1 qazanda Shymkent qalasynda dúniege kelgen. Aýyl sharýashylyǵy jáne ekonomika mamandyqtary boiynsha bilim alǵan.
1997 jyldan 2006 jyldyń qańtaryna deiin Qazaqstan Premer-Ministriniń keńesshisi, Qazaqstan Respýblikasy Aýyl sharýashylyǵy vitse-ministri, birinshi vitse-ministri jáne aýyl sharýashylyǵy ministri laýazymdarynda qyzmet atqarǵan.
2006 jyldyń sáýirinen 2007 jyldyń qyrkúiegi arasynda Qazaqstan Respýblikasynyń Ózbekstan Respýblikasyndaǵy Tótenshe jáne Ókiletti Elshisi.
2007 jyldyń qyrkúieginen 2009 jyldyń naýryzy aralyǵynda - «Ońtústik» əleýmettik kásipkerlik korporatsiiasy» ulttyq kompaniiasy» AQ basqarmasynyń tóraǵasy.
2009 jylǵy naýryzdan 2015 jylǵy tamyzǵa deiin - Ońtústik Qazaqstan oblysynyń ákimi.
2015 jylǵy tamyzdan bastap 2016 jyldyń mamyryna deiin - «Nur Otan» partiiasy tóraǵasynyń birinshi orynbasary.
2016 jyldyń mamyrynan - QR Aýyl sharýashylyǵy ministri.
2016 jyldyń maýsymynda Memleket basshysynyń Jarlyǵymen Premer-Ministrdiń orynbasary qyzmetine taǵaiyndaldy (QR Premer-Ministriniń orynbasary - QR Aýyl sharýashylyǵy ministri) boldy.
2018 jyldyń 10 qańtarynda Jambyl oblysynyń ákimi laýazymyna taǵaiyndaldy.
