«Atameken» UKP basqarma tóraǵasy Abylai Myrzahmetov Úkimetten otandyq kásiporyndardy qoldaý saiasatyn qatań baqylaýdy surap otyr, dep habarlaidy QazAqparat.
Abylai Myrzahmetovtyń aitýynsha, jeńil ónerkásip, jihaz, qurylys materialdary jáne tamaq ónerkásibi salasyndaǵy otandyq kásiporyndardyń úlesine birshama taldaý júrgizilgen. Sońǵy úsh aidyń ishinde jergilikti úles kórsetkishi 10 esege ósip otyr. Iaǵni, 1 shildedegi jaǵdai boiynsha kórsetkish 2 paiyzdy qurasa, qazir bul kórsetkishi úsh ai ishinde 18 paiyzǵa ulǵaiyp, 20 paiyzǵa teńesken.
«Jeńil ónerkásipte kórsetkishter oń dep aitýǵa bolady. Qazir bul baǵytta jergilikti úlestiń mólsheri – respýblika boiynsha 17 paiyz boldy. Áitse de, aldyńǵy qatardaǵy bes oblystyń satyp alý josparlarynyń 50 paiyzy ǵana oryndalǵan. Al onyń ishinde 36 paiyzy otandyq kásiporyndardan alynǵan. Osy jerde josparlaý máselesin qolǵa alýdy suraimyz. Máselen, jospar boiynsha Qyzylorda oblysy 46 paiyzben otandyq kásiporyndarǵa basymdyq bergenimen, jospardyń 22 paiyzy ǵana oryndaldy. Al jyldyń bitýine eki ai ǵana qaldy. Bul jospardyń qai ýaqytta oryndalatyny belgisiz», - dedi ol.
Abylai Myrzahmetov Úkimetten otandyq kásiporyndardy qoldaý saiasatyn qatań baqylaýdy surady.
«Jihaz salasyn alar bolsaq, aldyńǵy qatarly oblystarda 50 paiyzǵa deiin jospar oryndalǵan. Otandyq kásiporyndardan satyp alý kórsetkishi 40 paiyzdyq deńgeide. Bul rette taǵy da sońynda Batys Qazaqstan oblysy qalyp otyr. Ol óńirde jergilikti otandyq kásiporynnan satyp alý kórsetkishi 3-aq paiyzdy kórsetti. Tamaq salasyn alar bolsaq, aldyńǵy oblystarda jalpy jospar 70 paiyzǵa oryndalǵan. Otandyq kásiporyndardan satyp alý kórsetkishi 40 paiyzdy qurady», - dedi «Atameken» UKP basqarma tóraǵasy.
Abylai Myrzahmetov sonymen birge qurylys materialdary boiynsha alda kele jatqan oblystarda jospar 67 paiyzǵa oryndalǵanyn tilge tiek etti. Otandyq kásiporyndardan qurylys materialdaryn satyp alý kórsetkishi 38 paiyzdy kórsetken.
Aita ketsek, búgingi Úkimet otyrysynda QR Premer-ministri Asqar Mamin memlekettik satyp alýdaǵy jergilikti úles boiynsha oblys basshylary áli kúnge deiin tiisti deńgeide jumys júrgizbegenin synǵa alǵan bolatyn.
