«Bastaý biznes» baǵdarlamasynyń aýqymy jyl ótken saiyn aýylmen birge qalaǵa da keń tarap keledi. Bul týraly «Atameken» ulttyq kásipkerler palatasynyń basqarma tóraǵasy Abylai Myrzahetov 5 jyldyǵyna arnalǵan forýmda aitty, dep habarlaidy QazAqparat.
«Biznes bastaý» arqyly oqyǵan, óz isin bastaǵandardyń 90 paiyzy – óz-ózin jumyspen qamtyp júrgender, ásirese aýyl turǵyndary. Eger bastaǵan kezde baǵdarlamaǵa qatysýshylardyń 80 paiyzy aýyl turǵyndary bolsa, qazir 60 paiyzyn qurap otyr. Qyzmet kórsetý salasy, sheberhana siiaqty túrli salalar jan-jaqty damyp keledi. Sońǵy jyldary pandemiiaǵa bailanysty onlainǵa da kóshtik. Biz halqymyz erinshek degendi jii aitamyz. Adamdar jumys tańdaidy dep jatamyz. «Biznes bastaý» olai emes ekenin kórsetti. Halyqqa jolyn kórsetse, kómektesip, qoltyǵynan sál súiemeldep jiberse, alyp ketetin altyn halyqpyz. Sondyqtan da bul baǵdarlama nátije kórsetip otyr», - dedi «Atameken» basshysy.
