Túrkistan oblysy óńirlik kommýnikatsiialar qyzmetiniń alańynda Maqtaaraldaǵy sý tasqynynyń saldaryn joiýǵa qatysty brifing ótti, dep habarlaidy "Ult aqparat".
Oǵan Túrkistan oblysy ákiminiń orynbasary Sáken Qalqamanov pen Ózbekstan Respýblikasynyń Tótenshe jaǵdailar ministriniń birinshi orynbasary Abdýlla Quldashev jáne Túrkistan oblysy Tótenshe jaǵdai departamentiniń bastyǵy Nurǵali Júnisov qatysty.
«Ózbekstan Respýblikasynyń Prezidenti Sh.Mirzieevtiń tapsyrmasy boiynsha Maqtaaral aýdanyna keldik. Sý basqan aimaqqa 300-den astam qyzmetker, 186 tehnikamyz jumyldyrylǵan. Onyń ishinde qutqarýǵa arnalǵan, injenerlik, sý tasý, júk kólikteri bar. Jergilikti áriptesterimizben tyǵyz qarym-qatynasta táýlik boiy osymen 3 kún jumys isteýdemiz. Qazirgi mindetimiz - kollektorlardy tazartý, sý tasyǵan jerlerdi qalpyna keltirý. 50-den astam sý tartý nasosy kúndiz-túni jumys istep turǵandyqtan, keshe 34 myń kýb sý syrtqa shyǵaryldy. Nátijesinde Firdoýsi aýylynda sý deńgeii aitarlyqtai tómendedi. Biz aimaqtaǵy tótenshe jaǵdai aiaqtalǵansha osynda bolamyz», - dedi Abdýlla Quldashev.
Sondai-aq, brifing barysynda Memlekettik komissiia sheshimimen júzege asyp jatqan jumystardy atap ótken oblys ákiminiń orynbasary Sáken Qalqamanov Jeńis, Jańaturmys, Dostyq aýyldary tolyqtai kóshiriletinin, ol úshin Myrzakent aýylynan 500 turǵyn úi salýǵa 50 gektar jer belgilengenin atap ótti.
«Reseilik kásipker Álisher Ýsmanov sý tasqynynan zardap shekken Maqtaaral aýdanynyń evakýatsiialanǵan 30420 turǵyny úshin «Túrkistan» áleýmettik damý korporativtik qoryna 5 mln 202 myń AQSh dollaryn aýdardy. Bul qarajat evakýatsiialanǵan 5202 otbasynyń jeke shottaryna túsetin bolady. Sondai-aq, qorǵa otandyq kásipkerler men azamattardan 160 mln teńgege jýyq qarjy tústi. Jinalǵan qarjy zardap shekken otbasylarǵa baǵyttalady. Gýmanitarlyq kómek retinde shtab qoimasyna 270 tonna azyq-túlik jetkizildi, onyń búginde 90 tonnasy elge taratyldy»,-dedi Sáken Qalqamanov.
Túrkistan oblysy TJD bastyǵy Nurǵali Júnisov brifingte apat aimaǵyna elimizdiń Qorǵanys salasynan 1000-nan astam mamannyń jumyldyrylǵanyn jetkizdi.
«Qazirgi tańda sýdyń deńgeii tómendeýde. Órgebas, Nurly jol, Firdoýsi, Jeńis eldimekenderinde sý sorý jumystary jalǵasýda. Qorǵanys ministrligi, Ulttyq ulan, TJD men Politsiia departamentinen 1365 adam jumys atqarýda. Máselen, 75 motopompa sý sorý jumystarynda, 44 qaiyq sý basqan eldimekenderde turǵyndardyń úilerinen zattaryn tasý jumystaryna jumyldyrylǵan», - dedi Nurǵali Júnisov.
