Sáken Bibosynovtyń jeke jattyqtyrýshysy Myrzaǵali Aitjanov shákirtiniń 1/8 ainalymdaǵy kórsetkishine baǵa berdi, dep jazady Olympic.kz.
«Búgingi qarsylas ońai emes. Álem chempionatynyń qola júldegeri, Frantsiianyń úmit artyp otyrǵan boksshylarynyń biri. Sol sebepti, eki-úsh kún boiy taktikalyq jaǵynan daiyndaldyq. Berilgen tapsyrmanyń barlyǵyn oryndap shyqty.
Qarsylasy Sákenge qaraǵanda salmaqty kóp qýatyn jigit. Ony baiqap júrmiz. Sondyqtan, biz jyldamdyqty údetip, soǵan jumys istedik. Bul turǵydan bizdiń josparymyz oryndalyp, tóreshiler sheshimimen aiqyn basymdyqpen jeńiske jettik.
Ispaniialyq boksshyny kórip júrmiz. Endigi kezdesýde jaqsylap tyńǵylyqty daiyndalyp shyǵamyz. Basty qarsylastardyń biri bolady dep osy frantsýzdy kútkenbiz. Jeńispen aiaqtadyq», - deidi Aitjanov.
