Búgin Astanada «Jas Otan» jastar qanatynyń IV sezi aiasynda ótip jatqan gala-forýmda Ortalyq keńes músheligine sailanǵan Ninety One tobynyń ánshisi Dýlat Muhametqaliev sóz sóiledi, dep habarlaidy Baq.kz tilshisi.
Ol eń aldymen sezd qatysýshylaryna óner jolyna qalai kelgeni týraly baiandap berdi.
«Birden suraq: mýzyka degen ne? Shynymen de, mýzyka degen ne? Dál osy suraqtarǵa jaýap tapqannan keiin ómirim birden ózgerip ketti. Men ónerge degen qyzyǵýshylyǵym arqyly Ninety One tobyna kelip, álemmen mýzyka arqyly tanysýǵa múmkindik aldym. Top bolyp qurylǵannan keiin bári birden jaqsy bolyp ketken joq. Aldymyzda kóptegen túsinispeýshilik boldy. Birneshe qalada, birneshe alańda bizdiń óner kórsetýimizge qarsy boldy. Iaǵni, óleń aitý, shoý kórsetý, naǵyz zamanaýi ártis bolý HHI ǵasyrdyń qazaǵyna tán emes eken. Dál sol ýaqytta biz HHI ǵasyr men qazaq mentaliteti jáne mádenieti bir-birimen sáikes kelmeidi degen taptaýrynmen kezdestik. Men onymen tolyqtai kelispeimin. Qazaqqa mádenietsiz bolý tán emes, qazaqqa zamanaýi bolý tán, meniń oiymsha. Osy ýaqytta suraq týyndaidy, batys mádenieti bizdiń mádenietten nesimen erekshe, batys mádenieti zamanǵa sai jáne árdaiym ózgeriske ushyrap otyrady. Sol sebepti de búkil álemniń jastaryna ol óte tartymdy. Bizdiń mádenietimizdi, rýhani qorymyzdy biik deńgeige shyǵarǵymyz kelse onda jastardyń qyzyǵýshylyǵyn eskerýimiz qajet. Qazirgi trendterge elimizdiń mádenietin beiimdeýimiz qajet», - dedi ol óz sózinde.
Dýlat Muhametqaliev rýhani jańǵyrýdyń negizgi kózi óner salasy, rýhani qordy qorektendirýshi salmaqty quraldardyń biri shoý-biznes ekenin atap ótti.
«Qazirgi ýaqyta shoý-bizneske 91 toby q-pop baǵytyn ákelip usynyp otyr. Bul baǵyttyń negizgi maqsaty nede? Barlyq mýzykalyq salalardy, baǵyttardy, TV-shoý, baǵdarlamalardy qazaq tildi kontenttermen toltyra otyryp, qazaqtyń mádenieti men tili, óneri jan-jaqty bola alatynyn dáleldeý», - dedi Ninety One tobynyń ánshisi.
Ol ózi óner kórsetetin top qurylǵannan beri eki jyl ishinde jetken jetistikterine toqtalyp, qazaq tilinde án tyńdap júrgen sheteldik jankúierleriniń kóp ekenin aitty.
«Óz elimizdegi kóptegen júldelerdi alýymyzdy bylai qoiǵan kezde, eń úlken jetistigimiz – álemniń 120 memleketinde bizdiń resmi turǵyda jankúierlerimiz bar, fandomnyń aty – «iglz». Eger de biz qazaq tilin álemdik deńgeige shyǵarǵymyz kelse onda biz qazaq tilin soǵan yńǵailastyrýymyz kerek. Bul jerde latyn álipbii óte yńǵaily keledi. Sol sebepti de toptyń aty Ninety One dep atalyp, top ánderiniń bári latyn álipbiinde shyqqan. Ol qadamnyń bergen nátijesi bizdiń sheteldik jankúieler qazaq tiliniń ádemiligine qyzyǵýshylyq tanytyp, qazaq tilin úirený ústinde jáne de úirengennen keiin bizge ártúrli videojoldamalardy qazaq tilinde jiberýde. Jastardyń suranysy boiynsha, dál sol jastardyń ekpinimen jáne sizderdiń qoldaýlaryńyzben biz qazaq mádenietiniń, tiliniń, óneriniń, kodynyń qoryn jái ǵana ózara damytyp qana qoimai, búkil álemdik deńgeige shyǵara alamyz. Óner salasynda áriptesterime aitarym, bárimiz birigip eldiń ekonomikasyna yqpalyn tigizetin óner naryǵyn aiaqqa turǵyzyp, Qazaqstannyń atyn álemdik deńgeige shyǵaraiyq. «Muzdy eritý» eshqashanda kesh emes», - dep sózin aiaqtady Dýlat Muhametqaliev.
