QR Mádeniet jáne sport ministri Arystanbek Muxamediuly mádeniet nysandarynyń qoljetimdiligin arttyrýdyń ádisin Úkimetke usyndy, - dep xabarlaidy Ult.kz tilshisi QazAqparat agenttigine silteme jasap.
Ministrdiń sózinshe, ár aida bir márte mýzeiler, jylyna tórt ret teatrlar xalyq úshin tegin bolady.
"Halyqtyń mádeniet nysandaryna qoljetimdiliginiń tájiribesin engizý. Ár aidyń úshinshi jeksenbisinde mýzeilerge jáne jylyna tórt ret teatrlarǵa, olar: dúniejúzilik Teatr kúni, 27 naýryzda, Balalardy qorǵaý kúni, Táýelsizdik kúninde tegin barýdy qamtamasyz etý usynylady. Sondai-aq mektep demalystary sheńberinde oqýshylar úshin teatrlar men mýzeilerge tegin barý usynylady. Nátijesinde jyldyń aiaǵyna deiin atalǵan mádeniet nysandaryna barý kórsetkishi 45 paiyzǵa deiin jetetin bolady", - dep atap ótti ministr Úkimet otyrysynda.
