Koronavirýsty infektsiianyń jańa shtammdaryn kóbine jastar tasymaldaidy, sebebi onyń simptomdary jas aǵzada qatty biline bermeidi. Rospotrebnadzor OEǴZI klinikalyq-analitikalyq jumystar jónindegi direktordyń orynbasary Natalia Pshenichnaia osyndai pikir bildirdi, dep habarlaidy Sputnik agenttigi.
"COVID-19 klinikalyq belgileri birshama ózgergenimen, ol jiti respiratorly virýsty infektsiianyń negizgi simptomdarynyń sheginde bolyp otyr. Bul kóbine aýrý jalpy jeńil ótetin, biraq sol infektsiiany taratýshy bolatyn jastarda kóp kezdesedi", - dedi ol.
Sarapshynyń aitýynsha, adamdar murynnyń bitýi jáne túshkirý sekildi koronavirýs simptomdaryn kádimgi salqyn tiiý nemese maýsymdyq allergiiamen shatastyryp júr. Olar bul jaǵdaiǵa jete mán bermei, qalypty ómir súrýdi jalǵastyra beredi.
Buǵan deiin sarapshy RIA Novosti portalyna málimdegendei, koronavirýstyń negizgi belgileriniń ózgerýi onyń mýtatsiialanýyna bailanysty bolyp otyr. Koronavirýstyń úndilik shtammy kezinde asqazan-ishek joldarynda ózgeris – ishtegi aýyrsyný, tábet bolmaý, qusý, júrek ainý jáne býyndardyń qaqsaýy men qulaq estýiniń nasharlaýy baiqalady.
Al tamaqtyń aýyrýy adenovirýsty infektsiia men COVID-19-ǵa tán. Sonymen qatar, Pshenichnaianyń aitýynsha, koronavirýstyń klinikalyq belgilerine gúl tozańdaryna maýsymdyq allergiia da áser etedi.
