Kollaj: ulysmedia.kz
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin keshe ǵana prezident synaǵan «Zerde» holdingin taratyp jiberýdi usyndy, dep habarlaidy Ulysmedia.kz.
««Zerde» tobyn reformalaý boiynsha jumys jyldyń basynda bastalǵan bolatyn. Onyń biri - júielik integratordyń qyzmeti «Tsifrlyq úkimetti qoldaý ortalyǵyna» berildi. Innovatsiialardy damytýdyń biryńǵai ekojúiesin qurý maqsatynda «QazInnovations» agenttigi men Astana hab tehnoparkin bir uiymǵa, iaǵni Innovatsiialyq tehnologiialar parkiniń quramyna biriktirý arqyly ońtailandyrý usynylady. Al Ulttyq aqparattyq tehnologilar aktsionerlik qoǵamyn tikelei Tsifrlyq damý ministrligine qol astyna berip, «Zerde» holdingin taratyp jiberý usynylady. Osy úrdis barysynda holdingtiń jobalardy iske asyrýy boiynsha tiisti materialdar quzyrly organdarmen qarastyrylyp, zerdelenetin bolady», - dedi Baǵdat Mýsin Úkimet otyrysynda.
Ministr Esep komitetiniń otyrysynda «Zerde» holdinginiń qyzmetine kúmán keltirilgenin eske aldy.
«Esep komitetimen talqylaý kezinde holding qajettiligine kúmán keltirgen bolatyn. Bul usynys kvazimemlekettik sektordy reformalaý tapsyrmasyna sáikes keledi. Osylaisha, jyl saiynǵy ákimshilik shyǵyndar únemdeledi, qajetsiz basqarý deńgeiin alyp tastaý jáne jaýapkershilikti naqtylaý siiaqty oń nátijelerge qol jetkizetin bolamyz», - dedi ministr.
Eske sala ketsek, prezident keshe «Zerde» holdingin synǵa alǵan bolatyn.
«Meniń oiymsha, qanaǵattanarlyqsyz. Esep komitetiniń synyna ushyraǵan «Zerde» ulttyq holdinginiń jumysyn jaqsartýdy tapsyrdym. Premer-ministr tsifrlandyrýdyń saqtaýshysy retinde bul máselege erekshe nazar aýdarýy kerek», - dedi Toqaev Úkimettiń keńeitilgen otyrysynda.
