Foto: primeminister.kz
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin qaǵaz anyqtamany talap etkeni úshin ákimshilik jaýapkershilik engizýdi usyndy, dep habarlaidy Sputnik Qazaqstan.
Ministrdiń aitýynsha, buryn jyl saiyn 50 million anyqtama shyǵarylatyn. Búginde onyń bári tsifrlyq formatqa kóshirilgen.
"Biraq anyqtamany negizsiz talap etetinder áli de bar. Kóbine ony mektep pen jumys berýshiler suraidy. Kelesi jyly bul problemany tolyq sheshemiz dep otyrmyz. Anyqtamany zańsyz talap etkeni úshin ákimshilik jaýapkershilik engizýdi suraimyz", - dedi Mýsin Úkimettiń búgingi otyrysynda.
Ministr memlekettik qyzmetterdiń proaktivti formatta qalai usynylatynyn da túsindirdi.
"Mysaly, dúniege sábi keldi deiik. Týý týraly kýálik pen járdemaqy alý úshin onyń anasy buryn ne isteitin? Sol balany qolyna alyp, TsON-ǵa barýǵa májbúr bolatyn. Odan soń járdemaqy alý úshin birneshe ótinish jazyp, 2 aptadai túrli mekemeniń tabaldyryǵyn tozdyratyn. Al qazir esh jaqqa barýdyń, ótinish jazýdyń qajeti joq. Memleket SMS arqyly anasyn quttyqtap, balaǵa at qoiýdy suraidy. Sóitip, JSN de, týý týraly kýáligi de, járdemaqylar da daiyn bolady", - dep atap ótti Mýsin.
Búginde jyl saiyn 400 myńǵa jýyq bala dúniege kelse, olardyń 68%-yna qyzmetter proaktivti-onlain formatta usynylady.
