فوتو: primeminister.kz
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين قاعاز انىقتامانى تالاپ ەتكەنٸ ٷشٸن ەكٸمشٸلٸك جاۋاپكەرشٸلٸك ەنگٸزۋدٸ ۇسىندى, دەپ حابارلايدى Sputnik قازاقستان.
مينيستردٸڭ ايتۋىنشا, بۇرىن جىل سايىن 50 ميلليون انىقتاما شىعارىلاتىن. بٷگٸندە ونىڭ بەرٸ تسيفرلىق فورماتقا كٶشٸرٸلگەن.
"بٸراق انىقتامانى نەگٸزسٸز تالاپ ەتەتٸندەر ەلٸ دە بار. كٶبٸنە ونى مەكتەپ پەن جۇمىس بەرۋشٸلەر سۇرايدى. كەلەسٸ جىلى بۇل پروبلەمانى تولىق شەشەمٸز دەپ وتىرمىز. انىقتامانى زاڭسىز تالاپ ەتكەنٸ ٷشٸن ەكٸمشٸلٸك جاۋاپكەرشٸلٸك ەنگٸزۋدٸ سۇرايمىز", - دەدٸ مۋسين ٷكٸمەتتٸڭ بٷگٸنگٸ وتىرىسىندا.
مينيستر مەملەكەتتٸك قىزمەتتەردٸڭ پرواكتيۆتٸ فورماتتا قالاي ۇسىنىلاتىنىن دا تٷسٸندٸردٸ.
"مىسالى, دٷنيەگە سەبي كەلدٸ دەيٸك. تۋۋ تۋرالى كۋەلٸك پەن جەردەماقى الۋ ٷشٸن ونىڭ اناسى بۇرىن نە ٸستەيتٸن? سول بالانى قولىنا الىپ, تسون-عا بارۋعا مەجبٷر بولاتىن. ودان سوڭ جەردەماقى الۋ ٷشٸن بٸرنەشە ٶتٸنٸش جازىپ, 2 اپتاداي تٷرلٸ مەكەمەنٸڭ تابالدىرىعىن توزدىراتىن. ال قازٸر ەش جاققا بارۋدىڭ, ٶتٸنٸش جازۋدىڭ قاجەتٸ جوق. مەملەكەت SMS ارقىلى اناسىن قۇتتىقتاپ, بالاعا ات قويۋدى سۇرايدى. سٶيتٸپ, جسن دە, تۋۋ تۋرالى كۋەلٸگٸ دە, جەردەماقىلار دا دايىن بولادى", - دەپ اتاپ ٶتتٸ مۋسين.
بٷگٸندە جىل سايىن 400 مىڭعا جۋىق بالا دٷنيەگە كەلسە, ولاردىڭ 68%-ىنا قىزمەتتەر پرواكتيۆتٸ-ونلاين فورماتتا ۇسىنىلادى.
