Foto: gov.kz
QR tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Astanada uialy bailanys sapasyn jaqsartý týraly suraqqa jaýap berdi, - dep habarlaidy Tengrinews.kz saity.
Úkimet kýlýarynda jýrnalister sol jaǵalaýdaǵy bailanys sapasy qashan jaqsaratynyn surady. Osyǵan deiin basqarma basshysy internet pen bailanysy nashar jerler jazdyń aiaǵyna deiin azaiatynyn málimdegen.
"Men EKSPO aýmaǵynan óttim, ol jerde bailanys jaqsardy. "Han Shatyr" aýdanynda eki bazalyq stantsiia ornatyldy, joǵary kórsetkishter bar. Biraq qosymsha aiyppul salyp, taǵy eki ai ýaqyt berdik.
Ákim keshe keńes ótkizdi. Óitkeni bizge ákimdikten jer telimderi qajet, ol bul baǵytta jumysty kúsheitti. Qazir jer telimderi bólinip, qurylys bastalyp ketti.
Qazirdiń ózinde jer izdep jatyrmyz. Ári qarai ákimdik jumys jasaidy, biz ózimizge jer telimderin bóle almaimyz", - dep túsindirdi Mýsin.
Osyǵan deiin Qazaqstan Respýblikasynyń tsifrlyq damý, innovatsiialar jáne aeroǵarysh ónerkásibi ministrligi problemalyq 47 mekenjaidyń 16-sy kelisim berip, daiyndyq jumystary bastalyp ketkenin málimdegen bolatyn.
