Senator Talǵat Musabaev Qazaqstandaǵy azamattyq ushý qaýipsizdigin baqylaý jónindegi memlekettik fýnktsiiany sheteldik azamat basqaratyn kommertsiialyq kompaniiaǵa berýge narazy boldy, - dep habarlaidy "Ult aqparat".
Senator zań boiynsha azamattyq aviatsiiada sertifikattaý, qadaǵalaý jáne baqylaýmen Indýstriia jáne infraqurylymdyq damý ministrliginiń Azamattyq aviatsiia komiteti ainalysýy kerek ekenin atap ótti.
Alaida, bul memlekettik fýnktsiialar is júzinde ishki qujattar negizinde sheteldik azamat basqaratyn "Qazaqstannyń aviatsiialyq ákimshiligi" AQ kommertsiialyq kompaniiasyna berildi. Senatordyń pikirinshe, atalǵan saladan ózin-ózi osylai shettetý deregi mundai memlekettik organnyń bolý oryndylyǵy týraly máseleni týyndatady.
"Aqylǵa salyp, máseleniń sheshimin zańdy arnaǵa baǵyttaýdy usynamyz. Azamattyq aviatsiiadaǵy qadaǵalaý jáne baqylaý jónindegi memlekettik fýnktsiialardy Azamattyq aviatsiia komitetine qaitarý qajet dep sanaimyz, al "Qazaqstannyń aviatsiialyq ákimshiligi" AQ qurylǵandyqtan, oǵan tek sertifikattaý jónindegi fýnktsiialardy qaldyrý nemese oǵan kommertsiia sýbektisi emes, barlyq týyndaityn zańnamalyq saldary men jaýapkershiligi bar memlekettik organ mártebesin berý, oǵan memlekettik fýnktsiialardy oryndaýdy júkteý qajet", - dep atap ótti senator.
Ol depýtattyq saýalynda aviatsiialyq jáne azamattyq aviatsiiadaǵy oqiǵalardy tekserýdi Tótenshe jaǵdailar ministrligine nemese táýelsiz halyqaralyq aimaqtyq tergeý organdaryna berýdi qarastyrý qajet ekenin aitty.
Eske salaiyq, Qazaqstannyń aviatsiialyq ákimshiligin ulybritaniialyq Piter Griffits basqarady. Ol buǵan deiin Ulybritaniianyń Kólik ministrligi Azamattyq aviatsiia departamentin basqarǵan jáne Ulybritaniianyń azamattyq aviatsiia memlekettik agenttiginiń (UKCAA) jumysyna jetekshilik etken.
