Senat depýtaty Murat Baqtiiaruly QR Parlamenti Senaty Áleýmettik-mádeni damý jáne ǵylym komitetiniń tóraǵasy laýazymynan bosatyldy, dep habarlaidy QazAqparat.
«Áleýmettik-mádeni damý jáne ǵylym komitetiniń tóraǵasy Murat Baqtiiaruly komitet tóraǵasy qyzmetinen aýysýǵa niet bildirdi. Murat Baqtiiaruly biraz jyl boiy osy komitetke basshylyq jasady. Mańyzdy zańdardyń qabyldanýyna, Parlamenttik tyńdaýlar men Úkimet saǵattaryn ótkizip, áleýmettik-mádeni jáne ǵylym máselelerin sheshýge úlken úles qosty. Murat Baqtiiarulyna komitet tóraǵasy retinde atqarǵan tabysty qyzmetine alǵysymyzdy bildiremiz», - dedi Senattyń jalpy otyrysynda palata tóraǵasy Máýlen Áshimbaev.
Onyń atap ótýinshe, Murat Baqtiiaruly Halyqaralyq qatynastar, qorǵanys jáne qaýipsizdik komitetiniń quramynda qyzmet etýge ótinish bildirgen.
Osyǵan qatysty sheshim palata otyrysynda qabyldanyp, Senat qaýlylarymen Murat Baqtiiaruly Áleýmettik-mádeni damý jáne ǵylym komitetiniń tóraǵasy laýazymynan bosatylyp, Halyqaralyq qatynastar, qorǵanys jáne qaýipsizdik komitetine sailandy.
