Shymkent qalasynyń ákimi Murat Áitenov qaladaǵy áýejai qurylysy aiaqtalatyn merzimin atady, dep habarlaidy "Ult aqparat".
«Shymkent – respýblikalyq mańyzy bar qala. Ondaǵy halyqtyń sany jyl sanap artyp keledi. Al bizdiń qazirgi áýejai tiisti talaptarǵa sai emes. 2019 jyly investordyń, iaǵni SCAT áýe kompaniiasynyń kómegimen jalpy aýmaǵy 35 myń sharshy metr bolatyn úlken áýejaiy salynyp jatyr», - dedi Murat Áitenov Ortalyq kommýnikatsiialar qyzmetinde ótken baspasóz máslihatynda.
Ákimniń aitýynsha pandemiianyń saldarynan qurylys jumystary jospardan qalyp qalǵan.
«Biz biyldyń ózinde qurylys jumystaryn aiaqtar edik. Biraq ókinishke qarai pandemiianyń saldarynan shetelden kelýi tiis kóptegen qural ýaqytynda kelmei qaldy. Naýryz meiramyna deiin aiaqtaimyz degen jospar bar. Bári jaqsy bolsa naýryz aiynda iske qosamyz», - dedi ákim.
Murat Áitenov bul áýejai SCAT kompaniiasynyń investitsiialyq jobasy ekenin, ákimdik tek jer bólgenin jetkizdi.
