Úkimet otyrysynda QR Energetika ministri Maǵzum Myrzaǵaliev munai salasyndaǵy qondyrǵylar óndirisin jergiliktendirý josparyn ortaǵa saldy, dep habarlaidy QazAqparat.
«Jergilikti qamtýdy damytý jónindegi kelesi bastama – aǵymdaǵy jyly qurylǵan Munai-gaz mashinasyn jasaýdy damytýdyń halyqaralyq ortalyǵy bolyp tabylady.
Ortalyq jumysynyń negizgi maqsaty – elimizdegi munai-gaz salasy úshin taýarlar óndirisin jergiliktendirý. Ol úshin ortalyq jańa óndirister ashyp, sondai-aq jumys istep turǵan otandyq taýar óndirýshilerdiń múmkindikterin keńeitedi», - dedi ol.
Vedomstvo basshysynyń aitýynsha, atalmysh ortalyq saladaǵy operatorlardyń usynysy boiynsha úsh túrli taýardyń óndirisin jergiliktendirýdi qolǵa alǵan. Olar:
- Bekitý armatýrasy (klapandar);
- Elektrotehnikalyq jabdyq;
- Baqylaý-ólsheý aspaptary jáne avtomatika.
«Otandyq óndirýshilerdiń qajettilikteri boiynsha tolyq derekterge jáne tiisti múmkindikterge taldaý júrgizgennen keiin qalǵan taýar toptary boiynsha usynystar engiziledi», - dedi ministr.
